بابر اعظم نے ٹی 20 کرکٹ میں کرس گیل کا ریکارڈ توڑ دیا

(ویب ڈیسک)قومی کرکٹ ٹیم کے کپتان بابراعظم نے ٹی 20 کرکٹ میں کرس گیل کا ریکارڈ توڑ دیا۔
تفصیلات کے مطابق بابر اعظم نے 187 اننگز میں ٹی 20 کرکٹ میں سات ہز ار رنز بنائے ہیں۔ کرس گیل نے ٹی 20 کرکٹ میں سات ہزار رنز 192 اننگز میں مکمل کیے تھے۔اس سے قبل عالمی کرکٹ میں بابر اعظم تیز رفتاری سے تین ہزار، چار ہزار اور چھ ہزار رنز بنانے والے بلے باز ہیں۔ایشیائی بلے بازوں میں انکا شمار تیز رفتاری سے ایک ہزار اور دو ہزار رنز بنانے والے بلے بازوں میں ہوتا ہے۔بابر اعظم نے اپنی آخری دو اننگز میں ناٹ آؤٹ رہتے ہوئے 105اور 59 رنز کی اننگز کھیلی تھی۔
واضح رہے کہ بھارتی کپتان ویرات کوہلی نے یہ کارنامہ 212 اننگز، ایرون فنچ نے 222 جبکہ ڈیوڈ وارنز نے 223 اننگز میں انجام دیا تھا۔

یہ بھی پڑھیں: قومی ٹیسٹ کرکٹر شان مسعود کے گھر صف ماتم بچھ گئی