عمران خان سے متعلق فیصلہ، ریحام خان کابھی ردعمل آ گیا

(ویب ڈیسک) عمران خان کی توہینِ عدالت کی کارروائی ختم ہونے پر ان کی سابقہ اہلیہ ریحام خان نے ٹویٹ میں اپنا ردِ عمل دیا ہے۔

اسلام آباد ہائیکورٹ کی توہینِ عدالت کی کارروائی ختم ہونے پر عمران خان سے متعلق آنے والے فیصلے پر ردِ عمل دیتے ہوئے انکی  سابقہ اہلیہ ریحام خان نے طنزیہ ٹویٹ کیا اور لکھا کہ قوم یوتھ کے ’ڈٹ کے کھڑا ہے اب کپتان‘ نے اسلام آباد ہائیکورٹ میں بیان حلفی بھی جمع کروا دی ہے کہ اب وہ اچھے بچے بنیں گے اور ججز یا عدلیہ کے خلاف کبھی توہین آمیز زبان استعمال نہیں کریں گے۔

قوم یوتھ کے "ڈٹ کے کھڑا ہے اب کپتان" نے اسلام آباد ہائی کورٹ میں بیان حلفی بھی جمع کروا دی ہے کہ اب وہ اچھے بچے بنیں گے اور ججز یا عدلیہ کے خلاف کبھی توہین امیز زبان استعمال نہیں کریں گے #اب_نہیں_کروں_گا

— Reham Khan (@RehamKhan1) October 3, 2022

واضح رہے کہ اسلام آباد ہائیکورٹ نے خاتون جج زیبا چوہدری کے خلاف توہین آمیز زبان استعمال کرنے پر عمران خان کے خلاف توہینِ عدالت کی کارروائی کی تھی۔