پنجاب میں سیٹلائٹ انٹرنیٹ سروس متعارف کرانے کا فیصلہ

(24 نیوز)پنجاب میں ڈیجیٹل انقلاب کیلئے سیٹلائٹ انٹرنیٹ سروس متعارف کرانے کا فیصلہ کر لیا گیا ہے ۔

مسلم لیگ نواز (ن) کی رہنما اور وزیراعلیٰ پنجاب کی سنیئر ایڈوائزر سینیٹر انوشہ رحمان نے کہا ہے کہ پنجاب میں ڈیجیٹل انقلاب کے لیے سیٹلائٹ انٹرنیٹ سروس متعارف کرانے کا فیصلہ کیا ہے۔

لاہور کی نجی یونیورسٹی میں لیڈرشپ سمٹ کا انعقاد ہوا جس میں بلاک چین ٹیکنالوجی اور ڈیجیٹل اثاثوں پر تفصیلی گفتگو کی گئی۔

سمٹ سے خطاب میں انوشہ رحمان نے کہا کہ پسماندہ علاقوں میں تیز رفتار انٹرنیٹ کی فراہمی پر توجہ دی جارہی ہے۔

انہوں نے کہا کہ سیٹلائٹ انٹرنیٹ کے ذریعے ہر گاؤں، سکول، کالج اور اسپتال تک رسائی ممکن بنائی جائے گی۔

مزید پڑھیں:مریم نواز پنجاب کے 32 سو صحافیوں کو انکی چھت فراہم کرنے جارہی ہیں: عظمیٰ بخاری

ان کا کہنا تھا کہ عوام میں ڈیجیٹل ٹیکنالوجی کے استعمال کا رجحان موجود ہے مگر سہولیات کا فقدان ہے۔

سینیٹر انوشہ رحمان نے کہا کہ پنجاب میں 'کنیکٹ دی آن کنیکٹڈ' مشن کا آغاز کیا جا رہا ہے۔

انہوں نے بتایا کہ جلد سرکاری شعبے میں سیٹلائٹ کے ذریعے انٹرنیٹ فراہمی کا آغاز کیا جائے گا جبکہ آئی ٹی ڈیپارٹمنٹ کی جانب سے جدید کنیکٹیویٹی منصوبوں پر کام جاری ہے۔

انہوں نے مزید بتایا کہ آئندہ 4 برسوں میں 60 لاکھ نوجوانوں کو جدید ٹیکنالوجی سے جوڑنے کا منصوبہ ہے۔