پارٹی ٹکٹوں کی تقسیم، نواز شریف نے ن لیگ آزاد کشمیر کے پارلیمانی بورڈ کا اجلاس طلب کرلیا

(ویب ڈیسک)پاکستان مسلم لیگ (ن) کے صدر و سابق وزیراعظم نواز شریف نے آزاد جموں و کشمیر میں آئندہ عام انتخابات کے لیے جماعتی ٹکٹوں کی تقسیم کے حوالے سے پارلیمانی بورڈ کا اجلاس آئندہ ہفتے مظفرآباد میں طلب کرلیا۔

صدر مسلم لیگ ن نواز شریف نے پارلیمانی بورڈ کا اجلاس 6 اور 7 مئی کو مظفرآباد میں طلب کیا ہے۔

صدر پاکستان مسلم لیگ ن آزاد کشمیر شاہ غلام قادر اور سیکریٹری جنرل چوہدری طارق فاروق نے بھی آئندہ ہفتے پارلیمانی بورڈ کا اجلاس بلائے جانے کی تصدیق کی ہے۔

نواز شریف گلگت بلتستان اور آزاد کشمیر کے آئندہ عام انتخابات سے قبل متحرک ہو چکے ہیں، اور وہ ٹکٹوں کی تقسیم میں خود دلچسپی لے رہے ہیں، جبکہ پارلیمانی بورڈ کی سربراہی بھی نواز شریف کے پاس ہی ہے۔

یہ بھی پڑھیں:سچائی کے بغیر امن ممکن نہیں، صحافت کا کردار کلیدی ہے:صدر، وزیراعظم

آزاد کشمیر میں آئندہ عام انتخابات میں جولائی میں ہوں گے، جبکہ الیکشن کمیشن کی جانب سے شیڈول کا باضابطہ اعلان رواں ماہ متوقع ہے۔