امریکی ریاست کولوراڈو میں اسرائیل کے حق میں ریلی پر نامعلوم شخص کا حملہ

( 24 نیوز )امریکی ریاست کولوراڈو کے شہر بولڈر میں ایک شخص نے ریلی پر حملہ کردیا جس سے 6 افراد زخمی ہوگئے۔

امریکی میڈیا کے مطابق پولیس نے مشتبہ حملہ آور کو زخمی حالت میں گرفتار کرلیا ہے، حملہ اس وقت کیا گیا جب اسرائیل کے حق میں ریلی جاری تھی۔ 

خبر رساں اداروں کے مطابق 45 سال کے مشتبہ شخص نے فلسطین کی آزادی کا نعرہ لگایا اور لوگوں پر پٹرول بم پھینکے۔ ایف بی آئی کا کہنا ہے کہ دہشت گرد حملے کی تحقیقات کررہے ہیں۔

 یہ بھی پڑھیں:چیئرمین پی سی بی کا پنجاب حکومت کے حوالے سے اہم بیان سامنے آگیا

کولوراڈو کے اٹارنی جنرل نے کہا کہ کسی گروپ کے خلاف واقعہ بظاہر نفرت انگیز معلوم ہوتا ہے۔

حملے کے بعد گورنر کولوراڈو نے کہا کہ کسی بھی قسم کی نفرت انگیز کارروائیاں ناقابل قبول ہیں۔