"کورونا کے مثبت کیسز میں کراچی پہلے نمبر پر"

(24نیوز) نیشنل کمانڈ اینڈ آپریشن سنٹر کا کہنا ہے کہ ملک میں مثبت کورونا کیسز کی مجموعی شرح 5.81 فیصد ہوگئی ۔ مثبت کورونا کیسز کی بلند ترین شرح کراچی میں 15.77 فیصد ہے۔

تفصیلات کے مطابق نیشنل کمانڈ اینڈ آپریشن سنٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں جس میں بتایا گیا کہ ملک میں مثبت کورونا کیسز کی مجموعی شرح 5.81 فیصد اور کورونا کے تشویشناک مریضوں کی تعداد 2264 ہے جبکہ ملک میں مثبت کورونا کیسز کی بلند ترین شرح کراچی میں 15.77 فیصد اور مثبت کیسزکی کم ترین1.41 فیصدشرح گلگت بلتستان میں ہے۔

این سی او سی کا کہنا ہے کہ پنجاب میں مثبت کورونا کیسز کی شرح 4.70 فیصد ، فیصل آبادمیں مثبت کورونا کیسز کی شرح 2.30، ملتان 0.96 فیصد ہوگئی جبکہ اسلام آباد میں مثبت کورونا کیسز کی شرح 3.39 فیصد اور راولپنڈی میں مثبت کورونا کیسز کی شرح 3.45 فیصد ہے۔سندھ میں مثبت کورونا کیسز کی شرح 8.10 فیصد اور حیدرآباد میں مثبت کورونا کیسز کی شرح 7.54 فیصد ہے۔

اسی طرح خیبرپختونخوا میں مثبت کورونا کیسز کی شرح 5.38 فیصد ، پشاورمیں مثبت کورونا کیسز کی شرح 15.54 فیصد، سوات میں مثبت کورونا کیسزکی شرح2.84 اور ایبٹ آباد میں 7.72فیصد ہوگئی۔

اعدادو شمار کے مطابق بلوچستان میں مثبت کوروناکیسزکی شرح 3.82 فیصد ، کوئٹہ میں مثبت کوروناکیسزکی شرح2.39فیصدہے جبکہ آزادکشمیر میں مثبت کورونا کیسز کی شرح 8.52 فیصد ، مظفرآبادمیں 7.69 فیصد، میرپورمیں 9.26 فیصد اور گلگت میں مثبت کورونا کیسزکی شرح 3.03فیصد ہے۔