یوکرین کے دارالحکومت کیئف پر رات گئے حملے، 3 افراد ہلاک
Stay tuned with 24 News HD Android App
(ویب ڈیسک) روس یوکرین میں اپنی فوجی کارروائیاں جاری رکھے ہوئے ہے۔ یوکرین کے دارالحکومت کیئف میں حکام نے جمعرات کو بتایا ہے کہ شہر کے مشرقی علاقوں میں رات گئے ہوئے تازہ فضائی حملے میں تین افراد ہلاک اور متعدد زخمی ہوئے۔
کیئف کی فوجی انتظامیہ نے ٹیلی گرام پر ایک پوسٹ میں کہا ہے کہ اس حملے میں ہلاک ہونے والوں میں دو بچے شامل ہیں جس نے دارالحکومت کے مشرقی مضافات میں واقع یسنیاسکی ضلع کو نشانہ بنایا۔
یہ حملہ دنیپرو کے علاقے میں بھی ہوا جو شہر کے مرکز سے قریب ہے۔ رواں ماہ دارالحکومت پر یہ اٹھارواں حملہ ہے۔
فوجی انتظامیہ نے بتایا کہ دونوں علاقوں میں سات افراد زخمی ہوئے۔
#Russian forces began June with a fresh aerial bombardment of #Kyiv, killing at least three people and wounding others, authorities say.https://t.co/QHMCiIxGzp
— Al Arabiya English (@AlArabiya_Eng) June 1, 2023
سوشل نیٹ ورکس پر پوسٹ کی گئی جائے وقوعہ کی تصاویر میں ریسکیو ٹیموں کو عمارتوں کے رہائشیوں کی مدد کرتے ہوئے اور باہر سڑکوں پر ٹوٹا ہوا عمارتی سامان دکھایا گیا ہے۔
مقامی میڈیا اور سوشل میڈیا کے مطابق دارالحکومت میں حکام نے ایک گھنٹہ قبل ممکنہ حملے کی وارننگ دی تھی۔