سینئر صحافی ایاز امیر پر نامعلوم افراد کا حملہ، تشدد کا نشانہ بنا ڈالا

(24نیوز) سینئر صحافی اور تجزیہ نگار ایاز امیر پر لاہور میں نامعلوم افراد نے حملہ کیا ہے۔ ذرائع کے مطابق حملہ لاہور کے علاقے ایبٹ روڈ پر کیا گیا۔ جہاں نامعلوم افراد نے ایاز امیر کی گاڑی کو روک کر انہیں ڈرائیور سمیت مبینہ تشدد کا نشانہ بنایا۔

پولیس ذرائع نے تصدیق کی ہے کہ نامعلوم افراد سینئر صحافی کا موبائل فون بھی چھین کر لے گئے ہیں۔ بتایا گیا ہے کہ سینئر صحافی ایاز امیر کو نجی ٹی وی کے آفس سے واپسی پر نامعلوم حملہ آوروں کی جانب سے مبینہ تشدد کا نشانہ بنایا گیا۔

دنیا ٹیو پر پروگرام ختم کرنے کے واپسی پر سینئر تجزیہ کار ایاز امیر صاحب پر نامعلوم افراد کا حملہ۔ ایاز امیر صاحب اور ڈرائیور پر تشدد۔
ایاز امیر صاحب نے بتایا کہ دفتر سے نکلتے ہی ایک کار نے ہماری گاڑی بلاک کی, 6 افراد نے تشدد کیا pic.twitter.com/ve9SaKUIke

— Tariq Habib (@tariqhabib1) July 1, 2022

اس حوالے سے ایاز امیر نے اپنے بیان میں کہا ہے کہ نجی ٹی وی کے دفتر سے نکلتے ہی ایک گاڑی نے ان کی گاڑی کو روک لیا۔ جس میں موجود 6 افراد نے انہیں مبینہ تشدد کا نشانہ بنایا۔