بھارتی میڈیا کا پاکستانی پاسپورٹ سے ’اسرائیل کیلئے ناقابلِ استعمال‘ شق ختم کرنے کا جھوٹا دعویٰ بے نقاب

(24نیوز)وزارت اطلاعات و نشریات نے بھارتی میڈیا کا پاکستانی پاسپورٹ سے ’اسرائیل کیلئے ناقابل استعمال‘ شق ختم کرنے کا مضحکہ خیز دعویٰ بے نقاب کر دیا۔

وزارت اطلاعات و نشریات کے فیکٹ چیکر نے سوشل میڈیا پلیٹ فارم ایکس پر بھارتی جھوٹ ثبوت کے ساتھ دنیا کے سامنے بے نقاب کیا۔

 ایکس پر جاری بیان میں کہا گیا کہ بھارتی چینل ریپبلک ٹی وی نے جھوٹا دعویٰ کیا کہ پاکستان مغربی ممالک اور اسرائیل کی نگرانی میں 20 ہزار فوجی غزہ بھیجنے کی تیاری کر رہا ہے، گودی میڈیا کے چینل نے مضحکہ خیز دعویٰ کیا کہ پاکستان نے اپنے پاسپورٹ سے ’اسرائیل کیلیے ناقابلِ استعمال‘ کی شق بھی ختم کر دی ہے۔

وزارت خارجہ پاکستان کی جانب سے جاری کردہ پریس ریلیز کے مطابق پاسپورٹ کی شق بدستور برقرار ہے اور کوئی تبدیلی نہیں کی گئی۔

Fact Check| Ministry of Information & Broadcasting
???? Claim
Republic TV reported that “Pakistan is preparing to dispatch 20,000 troops to Gaza under Western and Israeli oversight.” It also claimed Pakistan removed the “Not valid for Israel” clause from its passports,… pic.twitter.com/JOew3eB8Fr

— Fact Checker MoIB (@FactCheckerMoIB) October 30, 2025

ڈائریکٹوریٹ جنرل آف امیگریشن اینڈ پاسپورٹس کے مطابق پاکستانی پاسپورٹ پر اب بھی درج ہے کہ یہ پاسپورٹ اسرائیل کے علاوہ تمام ممالک کیلیے قابلِ استعمال ہے۔

بھارتی چینل کا پروپیگنڈا بے نقاب کرتے ہوئے وزارت اطلاعات و نشریات پاکستان نے واضح کیا کہ پاکستان کا اسرائیل سے متعلق مؤقف بالکل واضح اور دو ٹوک ہے، پاکستان نے کبھی اسرائیل کو تسلیم کیا اور نہ ہی کسی قسم کا فوجی تعاون زیرِ غور ہے۔

یہ بھی پڑھیں:اے ٹی ایم فراڈ سے خبردار، سائبر کرمنلز شہریوں کو کیسے پھنساتے ہیں؟

وزارتِ اطلاعات و نشریات کے مطابق پاکستان کا فلسطینی حقِ خود ارادیت کی حمایت میں مؤقف واضح اور اصولی ہے۔

ریپبلک ٹی وی کا من گھڑت دعویٰ کسی علاقائی یا بین الاقوامی میڈیا نے رپورٹ نہیں کیا، بے بنیاد اور من گھڑت کہانیاں گھڑ کر پاکستان کے خلاف زہریلا پروپیگنڈا کرنا گودی میڈیا کا وتیرہ ہے۔