آسٹریلیا،64 سالہ خاتون کے دماغ سے زندہ کیڑا نکال دیاگیا

(ویب ڈیسک)آسٹریلیا کے دارالحکومت کینبرا میں آپریشن کے ذریعے ایک خاتون کے دماغ سے 8 سینٹی میٹر لمبا اور زندہ کیڑا نکال دیا گیا ہے۔

عالمی میڈیا رپورٹس کے مطابق ایک 64 سالہ خاتون کو جنوری 2021 میں پیٹ میں درد، اسہال، خشک کھانسی، بخار اور رات کو شدید پسینہ آنے کی وجہ سےہسپتال میں داخل کیا گیا۔

2022 میں مریض کو کینبرا کے اسپتال میں منتقل کیا گیا تھا جب اس کی شکایات میں ڈپریشن کی علامات شامل تھیں۔

دماغ کے ایم آر کے بعد خاتون کے دماغی افعال میں غیر معمولی علامات کی تشخیص کے بعد دماغی آپریشن کرنے کا فیصلہ کیا گیا۔

آپریشن کے دوران ڈاکٹروں کو دماغ میں 8 سینٹی میٹر لمبا اور1 ملی میٹرموٹا زندہ کیڑا ملا جسے آپریشن کی مدد سے نکال دیا گیا اورکیڑے کو تحقیق کے لیے لیبارٹری بھیج دیا گیا ہے۔

اس قسم کے کیڑے عام طور پر ڈریگن میں پائے جاتے ہیں۔ یہ کیڑا پہلے کبھی انسانوں میں نہیں دیکھا گیا۔

تحقیقات کے بعد جاری ہونے والی معلومات کے مطابق مریض کے گھر کے قریب ایک جھیل کو دیکھا گیا اور اس جھیل کے درمیان میں پیٹ کے کیڑے والا اژدہا دیکھا گیا۔

یہ خیال کیا جاتا ہے کہ جھیل کے ارد گرد اگنے والی سبزیوں میں ڈریگن کیڑے یا ان کے انڈے ہوسکتے ہیں۔ ان سبزیوں کے استعمال کی وجہ سے یہ کیڑے یا ان کے انڈے مریض کے جسم میں داخل ہو گئے ہیں۔

ڈاکٹروں کا کہنا ہے کہ یہ کیس ان بیماریوں پر روشنی ڈالتا ہے جو مستقبل میں جانوروں سے انسانوں میں منتقل ہو سکتی ہیں۔