منیٰ میں رمیِ جمرات کا سلسلہ جاری، طوافِ زیارت کا آج آخری دن

(24 نیوز)منیٰ میں ایامِ حج کے 5ویں روز بھی حجاج کرام تینوں جمروں کی رمی کر رہے ہیں۔ حج کے اہم مناسک کی ادائیگی کے دوران لاکھوں عازمین عبادات میں مصروف ہیں جبکہ انتظامیہ کی جانب سے رہنمائی اور سہولیات کے خصوصی انتظامات کیے گئے ہیں۔

 ترجمان وزارت مذہبی امور کے مطابق اکثر حجاج کرام 12 ذی الحجہ کی رمی مکمل کرنے کے بعد منیٰ سے روانہ ہو جائیں گے، جبکہ بعض حجاج 13 ذی الحجہ کی اختیاری رمی ادا کرنے کے بعد مکہ مکرمہ جائیں گے۔

حجاج کرام کو ان کی رہائش گاہوں تک محفوظ واپسی کے لیے ناظمین کی نگرانی میں روانہ کیا جا رہا ہے تاکہ رش اور گمشدگی جیسے مسائل سے بچا جا سکے۔

منیٰ میں ایامِ حج کے 5ویں روز بھی حجاج کرام تینوں جمروں کی رمی کر رہے ہیں۔ حج کے اہم مناسک کی ادائیگی کے دوران لاکھوں عازمین عبادات میں مصروف ہیں جبکہ انتظامیہ کی جانب سے رہنمائی اور سہولیات کے خصوصی انتظامات کیے گئے ہیں۔@AmirSaeedAbbasi @Hussainch242 pic.twitter.com/nJppRhKdwA

— Media Talk (@mediatalk922) May 29, 2026

حج کے تیسرے فرض، طوافِ زیارت، کی ادائیگی کا آج آخری دن بھی ہے، جس کے باعث مسجد الحرام میں زائرین کی بڑی تعداد موجود ہے۔

 سعودی وزارتِ حج و عمرہ کے خدام الحجاج کو منیٰ کے داخلی و خارجی راستوں پر تعینات کیا گیا ہے تاکہ حجاج کی رہنمائی اور مدد یقینی بنائی جا سکے۔ بزرگ اور کمزور حجاج کی سہولت کے لیے وہیل چیئر ٹیمیں بھی خدمات انجام دے رہی ہیں۔