سابق میچ ریفری کرس براڈ نے آئی سی سی کی بھارت نوازی کا پول کھول دیا

( ویب ڈیسک )سابق میچ ریفری کرس براڈ نے انٹرنیشنل کرکٹ کونسل (آئی سی سی) کی بھارت نوازی کا پول کھول دیا۔

کرس براڈ نے کہا کہ آئی سی سی کی جانب سے بھارت کے خلاف کوڈ آف کنڈکٹ کے معاملے میں ہاتھ ہلکا رکھنے کا کہا گیا تھا۔ ایک میچ میں بھارتی ٹیم 4 اوورز پیچھے تھی، سلو اوور ریٹ کا جرمانہ یقینی طور پر بنتا تھا۔

 آئی سی سی کے سابق میچ کرس براڈ نے یہ بھی کہا کہ مجھے ایک فون کال موصول ہوئی اور کہا گیا کہ کوئی حل نکالو، ہاتھ ہلکا رکھو، کیوں کہ یہ بھارتی ٹیم ہے۔

انہوں نے کہا کہ فون کال کے بعد میں نے ٹائم کیلکولیشن میں موقع نکالا تھا، اگلے میچ میں سارو گنگولی نے دوبارہ وہی حرکت کی اور آفیشلز کی ایک نہ سنی۔

 یہ بھی پڑھیں:زلزلے سے زمین لرز اٹھی، متعدد عمارتیں تباہ

سابق میچ ریفری نے کہا کہ میں نے جب پوچھا کہ ایسا پھر ہوا ہے، اب کیا کرنا ہے، تو کہا گیا کہ صرف گنگولی کو سزا دیں۔

Former ICC referee Chris Broad has exposed how India’s money power has corrupted world cricket.
Broad said he was once told to "be lenient… because it’s India" when the team was behind on over-rate and due a fine. The next match, when the same happened, he was told to "just do… pic.twitter.com/crKKJTIzu9

— Faizan Lakhani (@faizanlakhani) October 27, 2025

اُن کا کہنا تھا کہ کھیل میں کافی سیاست شامل ہے، اب لوگ سیاسی پیچیدگی سمجھ کر فیصلے کرتے، سارا پیسہ بھارت کے پاس ہے، اس نے عملی طور پر آئی سی سی پر قابو کرلیا ہے۔

کرس براڈ نے کہا کہ مطمئن ہوں اب آئی سی سی میچ آفیشلز کا حصہ نہیں کیوں کہ یہ کافی سیاسی پوزیشن ہوگئی ہے۔