جنرل ندیم رضا کادورہ  تاجکستان،اعلیٰ سیاسی و عسکری قیادت سے ملاقاتیں

 (24نیوز) چیئرمین جوائنٹ چیفس آف سٹاف کمیٹی جنرل ندیم رضا نے تاجکستان کے دورے کے دوران  صدر امام علی رحمان سمیت دیگر اعلیٰ سیاسی و عسکری قیادت سے ملاقاتیں کی ہیں ۔جن میں  سیکورٹی تعاون، دو طرفہ افواج کے مابین تعلقات کو وسعت دینے کیلئے عملی اقدامات پر زور دیا گیا۔

ڈی جی آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ندیم رضا تاجکستان کے سرکاری دورے پر ہیں جہاں انہوں نے دوشنبے میں تاجک صدر امام علی رحمان سے ملاقات کی، جس میں انسداد دہشتگردی، سیکیورٹی تعاون سمیت باہمی دلچسپی کے امور پر گفتگو کی گئی۔

CJCSC on official visit to Tajikistan, called on Mr. Emomali Rahmon, President of Tajikistan. Held separate meetings with Defence Minister, Minister of Internal Affairs& Chairman State Committee of National Security. various areas of mutual interest , bilateral cooperation (1/ 4) pic.twitter.com/udrYXfQTHx

— DG ISPR (@OfficialDGISPR) November 26, 2020

 
چیئرمین جوائنٹ چیفس آف سٹاف کمیٹی جنرل ندیم رضا تاجک وزیر دفاع، وزیر داخلہ اور تاجک سٹیٹ کمیٹی برائے قومی سلامتی کے چیئرمین سے ملاقاتیں کیں، جن میں دو طرفہ افواج کے مابین تعاون، تعلقات میں وسعت کیلئے عملی اقدامات پر زور دیا گیا۔ ملاقاتوں میں افغانستان کے تناظر میں خطے کے ماحول کا بھی جائزہ لیا گیا۔

چیئرمین جوائنٹ چیفس آف سٹاف کمیٹی نے کہا کہ پاکستان، تاجک افواج کے ساتھ تعلقات کو مزید وسعت دینا چاہتا ہے۔ تاجک قیادت نے پاکستانی مسلح افواج کی پیشہ وارانہ مہارت کو سراہتے ہوئے کہا کہ دہشتگردی کے خلاف جنگ میں پاکستانی افواج کی قربانیاں قابل قدر ہیں۔

 

قبل ازیں تاجک وزارت دفاع پہنچنے پر جنرل ندیم رضا کا پر وقار استقبال کیا گیا، تاجک مسلح افواج کے چاک و چوبند دستے نے انہیں گارڈ آف آنر پیش کیا۔