الحمدللہ پاکستانی چوکیوں پر قبضہ یا کوئی نقصان نہیں ہوا: مشرف زیدی

 (ویب ڈیسک) ترجمان وزیر اعظم برائے بین الاقوامی میڈیا مشرف زیدی کا کہنا ہے کہ آپریشن غضب للحق میں پاکستان نے جوابی کارروائی میں افغان طالبان کو بھاری نقصان پہنچایا ہے۔

مشرف زیدی نے سوشل میڈیا پلیٹ فارم ایکس پر جاری اپنے بیان میں کہا کہ طالبان کی بلا اشتعال جارحیت کے جواب میں پاکستان نے بھرپور جواب دیا ہے، جمعرات 11 بج کر 40 منٹ تک کی اپ ڈیٹ دے رہا ہوں کہ پاکستان نے جوابی کارروائی میں افغان طالبان کو بھاری نقصان پہنچایا ہے۔

 یہ بھی پڑھیں:قندھار کے اوپر پاکستانی کنٹرول؟ دشمن بلوں میں دبک گیا، ویڈیو وائرل
 ترجمان وزیر اعظم کے مطابق الحمدللہ پاکستانی چوکیوں پر قبضہ یا کوئی نقصان نہیں ہوا ہے، ابھی تک نہ کوئی پاکستانی فوجی پکڑا گیا ہے اور نہ ہی کوئی پاکستانی فوجی شہید ہوا ہے۔

انہوں نے بتایا کہ پاکستان کو نقصان پہنچانے کا کوئی بھی دعویٰ ہندوستانی پراکسیوں کے تصور سے کچھ زیادہ نہیں، ان شاء اللہ یقین رکھیں تمام جارحیت کا فوری اور مؤثر جواب ملے گا۔