’پرانی ڈبی نئی پیکنگ‘ انور مقصود کے پروگرام سےصارفین ناراض

24نیوز:ٹیلی ویژن کے معروف  میزبان انور مقصود کا یاسر حسین کے ساتھ معین اختر کا شو ’لوز ٹاک‘ کے طرز کا پروگرام کرنے پرصارفین ناراض ہو گئے۔

تفصیلات کے مطابق اپنی خداداد صلاحیتوں  سے فلموں و ڈراموں میں اپنا مقام بنانے والے معین خان کا کوئی متبادل نہیں اور اگر ڈراموں کی بات کی جائے تو انہوں نے ’’روزی‘‘، ’’انتظار فرمائیے‘‘، ’’بندر روڈ سے کیماڑی‘‘، ’’آنگن ٹیڑھا‘‘، ’’اسٹوڈیو ڈھائی‘‘، ’’اسٹوڈیو پونے تین‘‘، ’’یس سر نو سر‘‘ اور’’عید ٹرین‘‘ جیسے متعدد ڈرامے کیے۔

معین اختر نے ڈراموں کے ساتھ کئی فلموں میں بھی اداکاری کے جوہر دکھائے یہاں تک کہ انہوں نےایک نجی چینل کے لیے ’لوز ٹاک‘ کے نام‘ سے400 اقساط پر مشتمل شوز بھی کئے جوکہ ایک منفرد ریکارڈ بھی ہے۔

 
 ’لوز ٹاک‘ شو کی خاص بات تھی کہ اس میں انور مقصود میزبان اور معین اختر مہمان کے فرائض انجام دیتے تھے اور ہر نئی آنے والی قسط میں مختلف کرداروں کے روپ دھار کر انٹرویو دیتے تھے اور سیاست ہو یا معاشرے کی تلخیاں وہ کسی بھی موضوع کو اس طرح بیان کرتے کہ دیکھنے والوں کا ہنس ہنس کر برا حال ہو جاتا۔

 
اس مقبول ترین شو کو معین اختر کی وفات کے بعد بند کردیا گیا تھا تاہم اب اسی سٹائل پر ایک شو انور مقصود کی میزبانی میں نشر کیا جا رہا ہے جس میں معین اختر کی جگہ اداکارہ یاسر حسین مہمان کا کردار ادا کررہے ہیں جس پر سوشل میڈیا صارفین نے شدید تنقید کی ہے۔فرحان نامی صارف نے لکھا کہ 2020 بہت سب کے لئے بُرا سال رہا ہے اور ستم ظریفی یہ ہے کہ انور مقصود صاحب مقبول ترین شو’ لوز ٹاک‘ جیسا شو شروع کر رہے ہیں جس میں معین اختر کی جگہ یاسر حسین نظر آئیں گے جوکہ لیجنڈ اداکار کی بے عزتی ہے۔ ان کی جگہ کوئی نہیں لے سکتا۔

2020 is really a cursed year. Anwar Maqsood is starting a new show which basically has an Legendary Program "Loose Talk" Theme. This is an insult to Moin Akhtar on so many levels. NO ONE CAN REPLACE HIM . EVEN WORSE REPLACING HIM WITH YASIR HUSSAIN ???????????? pic.twitter.com/iABBAXEPRe

— Farhan Zaheer Khawaja (@fzk_94) November 23, 2020

اس طرح ملکانی نامی صارف نے لکھا کہ اس شو میں معین اختر کی جگہ یاسر حسین کی بجائے عمر شریف اور شکیل آفریدی اچھا انتخاب ہو سکتے تھے کیوں کہ یہ دونوں اداکار بھی لیجنڈ ہیں۔ایک صارف علی خان نے افسوس کا اظہار کرتے ہوئے کہا کہ ہم لوگ کامیڈی میں کسی  بہترین ٹیلنٹ سامنے نہیں لا رہے اور کامیڈی میں جو ٹیلنٹ رکھتے ہیں انہیں چھوٹی اسکرین تک محدود رکھا جاتا ہے اور جن میں اداکاری کرنے کی صلاحیت بھی نہیں وہ لوگ فلموں میں آرہے ہیں۔