ایکشن رپورٹ ہوا توشین واٹسن نےکہا کہ پریشان مت ہو اپنےخرچےپردبئی لیکر جائوں گا:عثمان طارق

 ( ویب ڈیسک )پاکستان کے سپنر عثمان طارق نے اپنے بولنگ ایکشن کے رپورٹ ہونے کے دوران پیش آئے چیلنجز پر گفتگو کی۔

سہ ملکی ٹی 20 سیریز میں سپنر عثمان طارق نے شاندار ہیٹ ٹرک کی اور مقررہ 4 اوورز میں 4 وکٹیں حاصل کرکے پاکستان کی کامیابی میں اہم کردار ادا کیا۔

انہوں نے کہا کہ جب ایکشن کال اپ ہوا یہ میرے کیریئر کا سب سے مشکل مرحلہ تھا، مجھے یقین نہیں تھا کہ کیا ہونے والا ہے لیکن میرا خاندان مضبوطی سے میرے ساتھ کھڑا رہا یہاں تک کہ اگر مجھے تشخیص کے لیے دبئی جانا پڑا تو اخراجات پورا کرنے کی پیشکش بھی کی گئی۔

 یہ بھی پڑھیں:سعودی عرب میں زلزلہ،عمارتیں لرز اٹھیں

عثمان طارق نے کہا کہ کس طرح سینئر کھلاڑیوں نے پوری آزمائش کے دوران انہیں ذہنی طور پر مضبوط رکھنے میں اہم کردار ادا کیا۔

 سپنر نے کہا کہ شین واٹسن نے مجھے یقین دلاتے ہوئے کہا کہ میں نے بہت سے کھلاڑیوں کو ایسے ہی معاملات سے گزرتے دیکھا ہے اور گھبرانے کی ضرورت نہیں، یہ مشکل تھا لیکن الحمدللہ اب سب کچھ واضح رہے۔

انہوں نے بتایا کہ شین واٹسن نے مجھے کہا کہ پریشان نہیں ہو میں اپنے دبئی لے کر جاؤں گا اور اخراجات بھی برداشت کروں گا۔

کوئٹہ گلیڈی ایٹرز کے سپنر کو لاہور قلندرز کے خلاف پی ایس ایل 10 کے میچ کے دوران فیلڈ امپائرز احسن رضا اور کرس براؤن نے مشتبہ بولنگ ایکشن کے لیے رپورٹ کیا تھا۔

اس سے قبل پی ایس ایل 9 کے دوران کراچی کنگز کے خلاف میچ میں رچرڈ ایلنگ ورتھ اور آصف یعقوب آن فیلڈ امپائر کی حیثیت سے خدمات انجام دے رہے تھے جب بھی ان کا بولنگ ایکشن رپورٹ ہوا تھا۔

 عثمان طارق  کے بیان کے بعد سوشل میڈیا پر  پاکستان شائقین کی جانب  آسٹریلین کرکٹر  شین واٹسن کی خوب تعریفیں کی جا رہی ہیں ۔