شہباز شریف نے ترک صدر کے ہمراہ پی این ایس خیبر کا افتتاح کر دیا

(24نیوز)وزیراعظم شہباز شریف کا کہنا ہے کہ ترکیہ نے ہر مشکل وقت میں ہر عالمی فورم پر پاکستان کا ساتھ دیا، آج کا دن ہمارے تاریخی تعلقات میں عظیم دن ہے،تعلقات کو مزید مضبوط بنایا جائے گا۔

وزیراعظم شہباز شریف نے ترک صدر کے ہمراہ پاک بحریہ کیلئے تیسرے ملجم کارویٹ جہاز کا افتتاح کردیا،تیسرے ملجم کارویٹ جہاز  کو پی این ایس خیبر کا نام دیا گیا ہے۔

افتتاحی تقریب میں چیف آف دی نیول اسٹاف ایڈمرل محمد امجد خان نیازی  نے بھی شرکت کی۔

Prime Minister Shehbaz Sharif and Turkish President Recep Tayyip Erdoğan (@RTErdogan) at the splendid launching ceremony for the third of the four Milgem Corvette ships for the Pakistan Navy, PNS Khaibar, at the Istanbul Shipyard.#PMShehbazinTurkey pic.twitter.com/oA06USt1Ei

— PML(N) (@pmln_org) November 25, 2022

پاک ترکیہ مشترکہ تعاون پر مبنی ملجم اسٹریٹجک پارٹنرشپ میں اہم سنگ میل ہے،ترجمان کا کہنا ہے کہ پاک بحریہ کیلئے پہلے کارویٹ پی این ایس بابر کی لانچنگ تقریب اگست 2021 میں ہوئی، دوسرے جہاز پی این ایس بدر کا سنگ بنیاد مئی 2022 میں کراچی میں رکھا گیا۔

دوسری جانب  وفاقی وزیر اطلاعات مریم اورنگزیب  نےٹویٹ میں کہا کہ وزیر اعظم شہباز شریف پاکستان اور ترکیہ کے درمیان بے پناہ صلاحیتوں سے استفادہ کیلئے پرعزم ہے۔ 

PM Shehbaz accompanied byTurkish PresidentTayyip Erdogan was accorded guard of honour at the launching ceremony of Milgem Corvette ships, reflecting concrete example of Pakistan-Türkiye partnership which transcends conventional ties and diplomatic niceties. #PMShehbazinTurkey pic.twitter.com/vnHCOCM52M

— Marriyum Aurangzeb (@Marriyum_A) November 25, 2022

وزیراعظم نے دوطرفہ تعلقات کیلئے جامع روڈ میپ مرتب کرنے، ترک حکام اور ممکنہ سرمایہ کاروں کے ساتھ وسیع تر رابطے کے لئے انتھک محنت کی۔