کویت ائیرپورٹ پر حملہ بین الاقوامی انسانی قانون کی سنگین خلاف ورزی ہے, کویتی وزارتِ خارجہ کی مذمت

(ویب ڈیسک)  کویت نے اپنے انٹرنیشنل ائیرپورٹ پر ایرانی حملے کی مذمت کی ہے۔
الجزیرہ نیوز نے بتایا کہ کویت کی وزارت خارجہ نے آج کویت انٹرنیشنل ائیر پورٹ پر  اس ایرانی حملے کی مذمت کی ہے جس میں اس بین الاقوامی ہوائی اڈے پر ایندھن کے ٹینکوں کو نشانہ بنایا گیا  اور کئی جگہوں پر آگ لگ گئی۔  "

  کویت کی وزارتِ خارجہ کے ترجمان نے سوشل میڈیا پر شیئر کیے گئے ایک بیان میں کہا کہ  یہ حملہ "بین الاقوامی انسانی قانون کی سنگین خلاف ورزی ہے، کیونکہ ہوائی اڈے کو ایک سویلین سہولت سمجھا جاتا ہے۔"

عزیز رحیم الدیہانی، قائم مقام نائب وزیر برائے خارجہ امور نے کہا، "ریاست کویت کی اس جارحیت کی مذمت اور سخت مذمت کی تجدید کرتی ہے۔ انہوں نے اس بات پر زور دیا  کہ یہ کویت کی خودمختاری کی کھلم کھلا خلاف ورزی ہے"، "بین الاقوامی قانون اور اقوام متحدہ کے چارٹر کی صریح خلاف ورزی ہے"۔

 کویت کے نائب وزیر نے مزید  کہا کہ یہ حملہ ایک "خطرناک ایسکلیشن کی نشان دہی ہے… جو علاقائی اور بین الاقوامی امن اور سلامتی کو نقصان پہنچائے گی۔

یہ بھی پڑھیئے:  کویت ائیرپورٹ پر ایران کا ڈرون حملہ، فیول ذخیرہ تباہ، کئی جگہوں پر آگ لگ گئی