آؤٹ ہونے کے بعد بیٹ اور گلوز پھینکنے پر گل فیروزہ کی سرزنش، 1 ڈی میرٹ پوائنٹ
Stay tuned with 24 News HD Android App
(ویب ڈیسک)پاکستان ویمن ٹیم کی اوپنر گل فیروزہ کے خلاف آئی سی سی ویمن ٹی ٹوئنٹی ورلڈ کپ کے دوران ضابطہ اخلاق کی خلاف ورزی پر کارروائی کرتے ہوئے انہیں سرزنش اور ایک ڈی میرٹ پوائنٹ دے دیا گیا ہے۔
انٹرنیشنل کرکٹ کونسل کے مطابق گل فیروزہ نے آسٹریلیا کے خلاف میچ میں لیول ون ضابطہ اخلاق کی خلاف ورزی کی تھی۔
آئی سی سی کا کہنا ہے کہ گل فیروزہ آؤٹ ہونے کے بعد مایوسی کا اظہار کرتے ہوئے ٹیم ڈگ آؤٹ کے قریب جارحانہ انداز میں اپنا بیٹ اور گلوز پھینک بیٹھی تھیں، جسے ضابطہ اخلاق کی خلاف ورزی قرار دیا گیا۔
آئی سی سی کے مطابق پاکستانی بیٹر نے اپنی غلطی تسلیم کر لی ہے اور مجوزہ سزا قبول کر لی، جس کے باعث باضابطہ سماعت کی ضرورت پیش نہیں آئی۔
ضابطہ اخلاق کے تحت لیول ون خلاف ورزی پر کھلاڑی کو سرزنش، جرمانہ یا ڈی میرٹ پوائنٹس دیے جا سکتے ہیں۔ گل فیروزہ کے ریکارڈ میں ایک ڈی میرٹ پوائنٹ کا اضافہ کر دیا گیا ہے۔
واضح رہے کہ ڈی میرٹ پوائنٹس ایک مخصوص مدت تک کھلاڑی کے ریکارڈ کا حصہ رہتے ہیں اور ان کی تعداد بڑھنے کی صورت میں سخت پابندیوں یا معطلی کا سامنا بھی کرنا پڑ سکتا ہے۔
یہ بھی پڑھیں:برطانوی شہریت کے بعد محمد عامر اہم کلب میں بطور ڈومیسٹک کھلاڑی شامل ہوگئے