ٹوئٹر اور فیس بک نے یوکرینی صارفین کیلئے حفاظتی فیچر متعارف کرادیئے

(ویب ڈیسک)سماجی رابطوں کی مقبول ویب سائٹس ٹویٹر اور فیس بک نے یوکرینی صارفین کیلئے حفاظتی فیچرز متعارف کرادیئے ہیں ۔
تفصیلات کے مطابق فیس بک نے یوکرین کے تنازعے کو مانیٹر کرنے کے لیے ایک خصوصی آپریشن سنٹر قائم کیا ہے۔فیس بک نے ایک نیا فیچر بھی متعارف کرایا ہے جس کے تحت صارفین اپنے اکاونٹ کو محفوظ بنانے کیلئے اسے لاک بھی کرسکتے ہیں تاکہ ان کا ڈیٹا محفوظ رہے ۔ٹویٹر نے بھی اکاونٹس کو ہیکنگ سے بچانے کیلئے ایک ایسا ہی فیچر متعارف کرایا ہے ۔ٹوئٹر نے صارفین کو اپنے ٹویٹس پرائیویٹ رکھنے کی ہدایت کی تھی۔ٹوئٹر نے یہ ہدایات انگریزی، روسی اور یوکرینی زبان میں جاری کی تھیں۔

When using Twitter in conflict zones or other high-risk areas, it’s important to be aware of how to control your account and digital information.

Every situation is different, so here are some things to consider:

— Twitter Safety (@TwitterSafety) February 24, 2022

فیس بک کے سکیورٹی پالیسی کے شعبے کے سربراہ نے بتایا کہ ’اب ایک ہی کلک کے ذریعے یوکرین میں موجود فیس بک صارفین اپنے اکاونٹس کو لاک کر سکتے ہیں جس کے بعد کوئی بھی اجنبی شخص ان کی فیس بک وال سے تصاویر اور دیگر مواد ڈون لوڈ نہیں کر سکے گا اور نہ ہی وہ ان کی ٹائم لائن پر پوسٹس دیکھ سکے گا ۔ٹویٹر نے بھی اپنے صارفین کو ڈی ایکٹیویٹ کی سہولت متعارف کرائی ہے ۔
یہ بھی پڑھیں:یوکرین پر حملہ ، روس کے ہزاروں شہری سڑکوں پر نکل آئے