’تو میرا میچ ونر ہے‘ بابر اعظم کی جانب سے محمد نواز کی زبردست حوصلہ افزائی

(ویب ڈیسک) کپتان بابراعظم نے آل راؤنڈر محمد نواز پر بھرپور اعتماد کا اظہار کرتے ہوئے ان کی حوصلہ افزائی کی ہے جب کہ پوری ٹیم نے تالیاں بجا کر داد دی۔

بھارت سے اعصاب شکن مقابلے کے بعد ڈریسنگ روم میں کھلاڑیوں کی کارکردگی کو کپتان نے سراہا اور انہیں پرُاعتماد رہتے ہوئے مثبت انداز میں آگے بڑھنے کا مشورہ دیا۔

کپتان نے کہا کہ ہم کسی ایک کی وجہ سے نہیں ہارے بلکہ ہم سب ہارے ہیں کوئی کسی کو اس بارے میں الزام نہ دے ہم سب نے ایک ٹیم بن کر رہنا ہے اور جو غلطیاں ہوئی ہیں اس پر قابو پانا ہے۔

محمد نواز کے بارے میں ان کا کہنا تھا کہ کوئی مسئلہ نہیں ’تو میرا میچ ونر ہے‘ نواز سر گرانا نہیں ہے پہلے بھی میچ جتوائے ہیں آگے بھی کامیابی دلواؤ گے۔

کپتان کے بھرپور اعتماد اور حوصلہ افزائی پر ڈریسنگ روم تالیوں سے گونج اٹھا، کھلاڑیوں نے تالیاں بجا کر نواز کو داد دی۔

“We win as one and lose as one!”

Listen what Matthew Hayden, Babar Azam and Saqlain Mushtaq told their players following a heartbreaking loss in Melbourne.#T20WorldCup | #WeHaveWeWill pic.twitter.com/suxGf34YSe

— Pakistan Cricket (@TheRealPCB) October 23, 2022

بابراعظم نے کھلاڑیوں کو آج کی شکست یہیں بھلا کر آگے بڑھنے کا پیغام دیتے ہوئے کہا کہ اب ہمیں نئے سرے سے شروع کرنا ہے ہم بہت اچھا کھیلے ہیں اسے آگے لے کر جانا ہے۔

یہ بھی پڑھیے: پاک بھارت ٹاکرا، آخری اوور میں نواز کی نوبال متنازع قرار