ملتان سلطانز کے غیر ملکی کھلاڑی اور کوچنگ  سٹاف لاہور پہنچ گئے

(ویب ڈیسک )پاکستان سپر لیگ 11 کے سلسلے میں ملتان سلطانز کے بڑے کھلاڑی اور کوچنگ سٹاف لاہور پہنچ گئے۔

جنوبی افریقہ کے اسپنر تبریز شمسی، آسٹریلیا کے اسٹیو اسمتھ، وکٹ کیپر بیٹر جوش فلپس، لچلن شا اور پیٹر سیڈل لاہور پہنچ گئے ہیں اور ملتان سلطانز کے کیمپ کو جوائن کرلیا ہے۔

ان کے علاوہ ہیڈ کوچ ٹم پین اور کوچنگ اسٹاف میں برینڈن ولسن اور مائیک اسمتھ بھی لاہور پہنچ کر ٹیم کی تیاریوں سے جڑ گئے ہیں۔

New adventure in @thePSLt20 loading with the @MultanSultans ???? pic.twitter.com/IgOaRGrbxx

— Tabraiz Shamsi (@shamsi90) March 22, 2026

واضح رہے کہ پی سی بی کی جانب سے جاری کئے گئے اعلامیے کے مطابق پی ایس ایل 11 کا میلہ 39 دن جاری رہے گا اور ایونٹ میں مجموعی طور پر فائنل سمیت 44 میچز کھیلے جائیں گے۔

اعلامیے کے مطابق ایونٹ کے تمام میچز لاہور اور کراچی میں یکساں تعداد میں ہوں گے جس کے مطابق قذافی اسٹیڈیم اور نیشنل اسٹیڈیم 22، 22 میچز کی میزبانی کرے گا۔

خیال رہے کہ پی سی بی چیئرمین محسن نقوی نے اعلان کیا ہے کہ خطے کی صورتحال بہتر ہونے تک پی ایس ایل میچز تماشائیوں کے بغیر ہوں گے اور ایونٹ شیڈول کے مطابق 26 مارچ سے شروع ہوگا۔