دلہن کا شادی سے قبل ایسا اقدا م کہ  دولہا بھی طیش میں آگیا

(ما نیٹر نگ ڈیسک)بھارت میں شادیوں کے دوران ہونے والی دلچسپ حرکات سےمتعلق تو  خبریں سامنے آتی رہتی ہیں مگر اب ایسا ہی کچھ امریکہ میں ایک ماہ کے بعد ہونے والی شادی پر ہوا، شادی کی تقریب  بعد میں ہونی تھی کہ دلہن کا دو لہے سے جھگڑا ہوگیا۔

تفصیلات کے مطابق امریکہ میں بھی ایسا واقعہ منظر عام پر آیا جہاں دلہن کی دولہے سے شادی کے موقع پر بحث وتکرار ہوگئی۔دلہن نے شادی کی تقریب میں اپنے دولہا کی 98سالہ دادی کے داخلے پر پابندی عائد کرنے کا فیصلہ کر لیا جس پر اس کا اپنے دولہا کے ساتھ تو جھگڑا ہوا ہی، بات انٹرنیٹ پر آئی تو صارفین نے بھی دلہن کو کڑی تنقید کا نشانہ بناڈالا۔

یہ بھی پڑھیں:مینا ر پا کستان واقعہ ۔۔عائشہ کو کن ملزموں کے چہرے یاد ۔۔انہیں تھپڑ اور جوتے کیوں مارے؟ سب کچھ بتا دیا
دلہن نے یہ واقعہ خود ویب سائٹ Redditپر سنایا، اس کا خیال تھا کہ لوگ اس کی حمایت کریں گے لیکن نتیجہ اس کے برعکس نکلا, لڑکی بتاتی ہے کہ ”ہماری آئندہ ماہ شادی ہونے والی ہے اور ہم نے فیصلہ کیا ہے کہ استقبالیہ تقریب میں بچے ساتھ لانے پر پابندی ہو گی کیونکہ ہم استقبالیہ تقریب اس طرح منعقد کرنا چاہتے ہیں کہ جس میں بلند موسیقی ہو گی، ڈانس ہو گا اور شراب عام دستیاب ہو گی۔اس بناءپر میں نے اپنے دولہا کی 98سالہ دادی کے استقبالیہ میں آنے کی مخالفت کی جس پر میرا اپنے دولہا کے ساتھ جھگڑا ہو گیا,آپ لوگ ہی بتائیں کہ اس میں کون غلط ہے؟

واقعہ کے بعد سوشل میڈیا صارفین کی جانب سے ملے جلے ردعمل کا اظہار کیا جارہا ہے، کوئی اس اقدام کو ٹھیک خیال کررہا ہے تو کوئی اس کی مخالفت کرتا دکھائی دے رہا ہے۔ 

یہ بھی پڑھیں: مدرسے میں طالبہ سے زیادتی کے الزام میں مفتی گرفتار۔۔سنسنی خیز انکشافات