سکولوں میں لارج سکیل اسسمنٹ ٹیسٹ کی ترمیم شدہ ڈیٹ شیٹ جاری

(24 نیوز)پنجاب بھر کے پیک سکولوں میں پرائمری اور مڈل جماعت کے لارج سکیل اسسمنٹ  ٹیسٹ کیلئے ترمیم شدہ ڈیٹ شیٹ جاری کردی۔

 پنجاب بھر کے سکولوں میں لارج سکیل اسسمنٹ کا امتحان رواں ہفتہ میں لیا جانا تھا، اسسمنٹ ٹیسٹ کیلئے انتظامات مکمل نہ ہونے کے باعث ٹیسٹ ایک ہفتہ کیلئے ملتوی کردیا گیا تھا۔

اب پنجاب ایگزمینیشن کمیشن (پیک) کی جانب سے سکولوں میں لارج سکیل اسسمنٹ ٹیسٹ کیلئے ترمیم شدہ ڈیٹ شیٹ جاری کردی گئی ہے،  نئی ڈیٹ شیٹ کے مطابق چوتھی، پانچویں اور آٹھویں کی اسسمنٹ 26 اپریل سے کی جائے گی۔

26 اپریل کو انگریزی، 27 کو اردو اور 28 کو حساب کا ٹیسٹ ہوگا،29 کو سائنس اور 30 اپریل کواردو، انگریزی کا زبانی ٹیسٹ لیا جائے گا، اسسمنٹ کا ٹائم صبح 8 سے دوپہر تین بجے تک رکھا گیا ہے۔ 

یہ بھی پڑھیں:حمزہ شہباز کی تقریب حلف برداری۔ عدالت کا ہنگامی فیصلہ

 ڈسٹرکٹ ایجوکیشن اتھارٹی لاہور نے کنٹریکٹ میں ایک سال توسیع کیلئے ایجوکیٹرز سے درخواستیں مانگ لیں۔ ایجوکیشن اتھارٹی لاہور کے مطابق ایجوکیٹرز کی بغیر پی پی ایس سی امتحان مستقل کرنے کی سمری وزیراعلی کو بھجوا دی گئی ہے، سمری منظور ہوتے ہی تمام ایجوکیٹرز کو مستقل کردیا جائے گا۔

یہ بھی پڑھیں:مبینہ دھمکی آمیز خط ۔شہباز گل نے بڑا انکشاف کردیا