وسیم اکرم کی اہلیہ شنیرا اکرم کا ریسٹورنٹ مالکن کو چیلنج

(24 نیوز)سوئنگ کے سلطان وسیم اکرم کی اہلیہ شنیرا اکرم نے روانی کے ساتھ انگریزی نہ بولنے پر اپنے ریسٹورنٹ کے منیجر کو تضحیک کا نشانہ بنانے والی خواتین کو انگریزی بولنے کا چیلنج دے دیا ہے۔
شنیرا اکرم نے سماجی رابطے کی ویب سائٹ ’انسٹا گرام‘ پر لکھا ہے کہ میں آپ کو انگریزی بولنے کا چیلنج دیتی ہوں، آئیں اورمیرے ساتھ مقابلہ کریں۔
پاکستان کرکٹ ٹیم کے سابق کپتان وسیم اکرم کی اہلیہ نے گزشتہ روز بھی سماجی رابطے کی ویب سائٹ ’ٹوئٹر‘ پر ایک صارف کی جانب سے جب اویس کو اپنا ہیرو قرار دیا گیا تھا تو انہوں نے بھی اس کو اپنا ہیرو کہا تھا۔

I know what it’s like being put on the spot to speak another language, even if you know how to speak it, especially if you’re a shy person it’s hard to do when it’s forced, not to mention in front of a camera for someone’s own personal entertainment. Sad to see https://t.co/86jbMBzvcF

— Shaniera Akram (@iamShaniera) January 20, 2021

واضح رہے کہ وفاقی دارالحکومت اسلام آباد کے ایک نجی ریسٹورنٹ کی مالکن نے اپنے منیجر کو انگریزی نہ آنے پر اس کو مذاق کا نشانہ بنایا تھا۔اس کی جب ویڈیو سوشل میڈیا پر وائرل ہوئی تو لوگوں نے واضح طور پر دیکھا کہ منیجر کو تضحیک کا نشانہ بنایا گیا تھا۔سوشل میڈیا صارفین کی جانب سے اس پر شدید ردعمل سامنے آیا اور ریسٹورنٹ کے بائیکاٹ کیلئے بھی مہم چلائی گئی۔