لاہور سمیت پنجاب کے بیشتر شہروں میں بارش، گرمی کا زور ٹوٹ گیا

(24نیوز) لاہور سمیت پنجاب کے مختلف علاقوں میں گرج چمک کے ساتھ بارش کا سلسلہ جاری ہے۔ رات کو شروع ہونے والی بارش نے لاہور میں جل تھل ایک کردیا۔ 

اس کے ساتھ ٹھنڈی تیز ہواؤں نے گرمی کا زور توڑ دیا۔ پری مون سون بارشوں کے اس سپیل کو شہری خوب انجوائے کررہے ہیں۔ 

محکمہ موسمیات کا کہنا ہے کہ منگل اور بدھ کو لاہور سمیت پنجاب کے مختلف علاقوں میں مزید بارشوں کا امکان ہے۔ 

یہ بھی پڑھیں: لانگ مارچ کے علاوہ اور کوئی راستہ نہیں، فواد چودھری کا بڑا بیان

محکمہ موسمیات کے مطابق فیصل آباد، ٹوبہ، جھنگ، قصور، شیخوپورہ سمیت دیگر کئی شہروں میں بارشوں کا سلسلہ جاری ہے۔ جو کہ آئندہ دو دن جاری رہے گا۔ اس دوران درجہ حرارت بھی کم رہے گا۔ جس سے گرمی کا زور ٹوٹ جائے گا۔