پیپلز پارٹی اپنی سیاسی ساکھ بہتر اور ہماری خراب کر رہی ہے، رانا ثناء اللہ

(24نیوز)مسلم لیگ نواز کے رہنما رانا ثناء اللہ نے کہا ہے کہ حکومت سازی میں پیپلز پارٹی اپنی سیاسی ساخت بہتر اور ہماری خراب کر رہی ہے۔

 ن لیگی رہنما رانا ثنا اللہ اپنےبیان میں  پی پی چیئرمین بلاول بھٹو زرداری کے حکومت بنانے کے بیانات پر برس پڑے اور کہا کہ پیپلز پارٹی اس معاملے میں اپنی ساکھ بہتر بنا رہی ہے اور ہماری خراب کر رہی ہے۔

ن لیگی رہنما کا کہنا تھا کہ پیپلز پارٹی اتحادی گورنمنٹ میں شامل تو ہو رہی مگر ان میں ایک مضبوط رائے ہے کے حکومت نا لی جائے۔

رانا ثناء اللہ نے کہا کہ پیپلز پارٹی حکومت سازی میں کسی مجبوری کے تحت آ بھی جائے تو وہ مخلص نہیں ہوگی اور مطلوبہ سپورٹ ہمیں نہیں دے گی، بلاول بھٹو بیانات سے اپنی سیاسی ساخت مضبوط اور ہماری ساخت کو داغ دار اور تباہ کر رہے ہیں۔

انہوں نے کہا کہ ہم ریاست کے مفاد میں قربانی دینے کو تیار ہوئے ہیں مگر ایسے حالات میں ہماری قربانی ضائع چلی جائے گی ،ان کا مزید کہنا تھا کہ بلاول کے بیانات کا نوٹس پارٹی لیڈر شپ لے رہی ہے۔

 یہ بھی پڑھیں ؛  نوازشریف کا مری میں پڑاؤ، زرداری سے ملاقات متوقع