مایوسی پھیلانے والے عناصر ناکام ہی رہیں گے، شبلی فراز

(24نیوز)وزیر اطلاعات و سینیٹر  شبلی فراز نے کہا ہے کہ ندیم بابر نے (ن) لیگی جھوٹ کے پرزے پرزے کر دئیے، ہاری ہوئی ٹیم کے ٹاپ کھلاڑی کی بے بسی اور لاچاری دیدنی تھی۔مایوسی پھیلانے والے عناصر مایوس اور ناکام رہیں گے.

تفصیلات کے مطابق وزیر اطلاعات و سینیٹر شبلی فراز نے سماجی رابطے کی ویب سائٹ پر ٹویٹ کرتے ہوئے کہا ہے کہ گزشتہ شب مناظرے میں شاہد خاقان عباسی کی وہی حالت تھی جو  ہارڈ ٹاک  میں اسحاق ڈار کی تھی۔ سچ کے سامنے ان کے ہاتھ پاؤں پھول جاتے ہیں۔

شب گزشتہ مناظرے میں شاہد خاقان عباسی کی وہی حالت تھی جو 'ہارڈ ٹاک' میں اسحاق ڈار کی تھی۔ سچ کے سامنے ان کے ہاتھ پاؤں پھول جاتے ہیں۔ندیم بابر نے (ن) لیگی جھوٹ کے پرزے پرزے کردئیے۔ ہاری ہوئی ٹیم کے ٹاپ کھلاڑی کی بے بسی اور لاچاری دیدنی تھی۔

— Senator Shibli Faraz (@shiblifaraz) December 19, 2020

انہوں نے کہا کہ ملکی ایکسپورٹس میں اضافے نے گزشتہ 10 سال کا ریکارڈ توڑ دیا ہے۔ پاکستان عمران خان کی قیادت میں ترقی اور خوشحالی کی راہ پر تیزی سے آگے بڑھ رہا ہے۔

ملکی ایکسپورٹس میں اضافے نے گزشتہ 10 سال کا ریکارڈ توڑ دیا ہے۔مایوسی پھیلانے والے عناصر مایوس اور نادم رہیں گے۔ پاکستان عمران خان کی قیادت میں ترقی اور خوشحالی کی راہ پر تیزی سے آگے بڑھ رہا ہے۔

— Senator Shibli Faraz (@shiblifaraz) December 19, 2020

شبلی فراز کا کہنا تھا کہ دشمن انڈین کرانیکلز کے ذریعے پاکستان کے خلاف جھوٹی معلومات پھیلانے کا جرم کر رہے ہیں، پی ڈی ایم جھوٹ کا سہارا لے کر عوام میں مایوسی پھیلا رہی ہے دونوں کے جھوٹ کی تجارت رنگے ہاتھوں پکڑی گئی ہے۔