شعیب ملک کو پہلے ہی ریٹائرمنٹ کیوں لینی چایئے تھی محمد حفیظ کا بڑا انکشاف

قومی کرکٹ ٹیم کے سابق کپتان محمد حفیظ نے انکشاف کیا ہے کہ شعیب ملک کو گزشتہ سال ہی ریٹائرمنٹ کا مشورہ دیا تھا، شعیب ملک نے 21 ، 22 سال پاکستان کی نمائندگی کی ہے یہ کوئی آسان کام نہیں ہے ۔

تفصیلات کے مطابق  سابق کپتان محمد حفیظ کا کہنا ہے کہ شعیب ملک نے 21، 22 سال پاکستان کی بہترین خدمت کی ہے ،  اتنے طویل عرصے اپنی فٹنس کو برقرار رکھنا اور ملک کی نمائندگی کرنا کوئی آسان کام نہیں ہوتا۔انہوں نے کہا کہ افسوس تو اس وقت بھی ہوا جب وہ ون ڈے کرکٹ سے ریٹائر ہونے کا اعلان کرچکے تھے مگر الوداعی میچ نہیں دیا گیا،حفیظ نے کہا کہ شعیب ملک کی خدمات کو مدنظر رکھتے ہوئے انہیں میچ کھلانا چاہیے تھا، اپنے کرکٹرز کو عزت سے رخصت کرنے کے معاملے میں ہماری مینجمنٹ ہمیشہ کمزور رہی ہے۔

قبل ازیں ٹی20 ورلڈکپ میں شعیب ملک کو اسکواڈ کا حصہ نہ بنانے پر سابق کرکٹرز سمیت صحافیوں کی بڑی تعداد نے سلیکشن کمیٹی کے ہیڈ محمد وسیم کو شدید تنقید کا نشانہ بنایا تھا۔