انٹربینک میں امریکی ڈالر ایک بار پھر مہنگا, سٹاک مارکیٹ میں مندی کا رجحان

(24 نیوز) انٹر بینک میں امریکی ڈالر ایک بار پھر مہنگا، سٹاک مارکیٹ میں ہفتے کے پہلے کاروباری روز منفی اختتام ہوا۔

سٹیٹ بینک آف پاکستان کے مطابق انٹربینک میں امریکی ڈالر 1 روپے 67 پیسے مہنگا ہو کر 279 روپے سے تجاوز کرگیا، انٹر بینک میں ڈالر 277.59 روپے سے بڑھ کر 279.26 روپے پر بند ہوا۔ 

ماہرین کا کہنا ہے کہ درآمدی بل کی طلب کے باعث روپے پر دباؤ دیکھا جارہا ہے۔

یہ بھی پڑھیں: سونے کی قیمت میں ایک بار پھر اضافہ، فی تولہ قیمت کتنی ہو گئی؟

دوسری جانب پاکستان سٹاک مارکیٹ میں کاروباری ہفتے کے پہلے روز کے کاروبار کا منفی اختتام ہوا، 100 انڈیکس میں 25 پوانٹس کی کمی آئی، 100 انڈیکس 45 ہزار 042 کی سطح پر بند ہوا، آج مارکیٹ میں 6 ارب 76 کڑور روپے مالیت کے 31 کروڑ 46 لاکھ شیئرز کا کاروبار ہوا۔