بغیر تجربے مصباح کو کوچ لگانا ٹیم کے ساتھ مذاق ہے،عاقب جاوید

Jan 15, 2021 | 14:55:PM
بغیر تجربے مصباح کو کوچ لگانا ٹیم کے ساتھ مذاق ہے،عاقب جاوید
Stay tuned with 24 News HD Android App
Get it on Google Play

  (24نیوز)عاقب جاوید نے کہا ہے کہ مصباح الحق کی اب ٹیم کے ساتھ بورڈ میں بھی پہلے جیسی عزت نہیں رہی، وہ دیوار کے ساتھ لگ چکے ہیں۔میرا مشورہ ہے کہ مصباح  گراس روٹ  سطح پر کام کرکے کوچنگ سیکھیں۔

تفصیلات کے مطابق سابق کرکٹر عاقب جاوید نے ایک بار پھر مصباح الحق کو آڑتے ہاتھوں لیتے ہوئے کہا ہے کہ مصباح الحق کوچنگ کے شعبے کو عزت دیں، عاقب جاوید کا کہنا تھا کہ انہیں دیوار کے ساتھ لگا دیا ہے ، کرکٹ کمیٹی کی جانب سے وارننگ کے بعد ہوم سیریز کے باوجود ٹیم مینجمنٹ کے لیے پرفارم کرنا مشکل ہوگا۔لاہور قلندرز کے ہیڈ کوچ نے کہا کہ جب آپ پراسس کو فالو نہیں کرتے تو یوٹرن لینا پڑتے ہیں۔ کوچز کے انتخاب میں بورڈ نے  درست  طریقہ کار اختیار نہیں کیا تھا۔

واضح رہے کہ مصباح کو بغیر کسی تجربے کے کوچ لگاکر ٹیم کے ساتھ مذاق کیا گیا ہے، اب بورڈ کو احساس ہوگیا ہے کہ ان سے غلط فیصلے ہوئے، میرے خیال میں کوچز کو تبدیل کردینا چاہیے تھا یا انہیں کہا جاتا کہ مدت پوری کریں، ہوم سیریز میں جنوبی افریقہ کے خلاف بہتر پرفارمنس کی امید ہے، اگر یہاں یہ جیت جاتے ہیں تو پھر باہر جاکر پھر وہ ہی رزلٹ آئیں گے۔