پیار بے وقوفوں کا کام ہوتا ہے، دل ٹوٹنے سے ڈرتی ہوں، سحر خان
Stay tuned with 24 News HD Android App
(ویب ڈیسک)نامور ڈراما سیریل فیری ٹیل میں کام کرنے والی اداکارہ سحر خان کا کہنا ہے کہ وہ شوبز انڈسٹری میں اداکارہ صنم جنگ کی وجہ سے آئی ہیں۔کہتی ہیں کہ کسی سے محبت نہیں۔ پیار بے وقوفوں کا کام ہوتا ہے، دل ٹوٹنے سے ڈرتی ہوں۔
چھوٹی عمر میں مقبولیت کے جھنڈے گاڑنے والی اداکارہ سحر خان نے حال ہی میں نامور ڈراما سیریل فیری ٹیل میں کام کیا تھا، جس میں انہوں نے حمزہ سہیل کے مقابل امید کا کردار ادا کیا تھا۔
ڈرامے کو مزاحیہ کہانی کی وجہ سے کافی شہرت ملی ہے اور اسی مقبولیت کو دیکھتے ہوئے اس کا سیزن 2 بھی نشر کیا گیا تھا۔
فیری ٹیل سے قبل سحر خان کئی پاکستانی ڈراموں میں کام کرچکی ہیں جن میں ’میں اگر چپ ہوں‘، ’سانوری‘، ’زخم‘، ’مشک‘، ’رنگ محل‘ شامل ہیں، تاہم سحر خان کو شہرت ڈرامہ سیریل فیری ٹیل سے ملی۔
اداکارہ نے حال ہی میں something hot کو انٹرویو دیا جہاں انہوں نے اپنے کیرئر کے علاوہ فیریل ٹیل کی شہرت اور ذاتی زندگی سے متعلق گفتگو کی۔
ڈراما فیری ٹیل کے بارے میں بات کرتے ہوئے سحر خان نے کہا کہ انہوں نے فیریل ٹیل کے اسکرپٹ کو 8 بار منع کیا تھا،انہوں نے وضاحت دیتے ہوئے کہا کہ میں نے فیری ٹیل کا اسکرپٹ نہیں پڑھا تھا، اس وقت میں کسی اور پروجیکٹ میں مصروف تھی، اس لیے فیری ٹیل کو 8 بار منع کرچکی تھی۔
ضرورپڑھیں:محبت ہوتو ایسی، بابراعظم کو منفرد انداز میں خراج تحسین، ویڈیو وائرل
سحر خان نے کہا کہ ڈائریکٹر کے اصرار پر میں نے جب اسکرپٹ پڑھا تو اپنا ارادہ بدل دیا اور فیصلہ کرلیا کہ یہ مجھے ہی کرنا ہے،اداکارہ نے اپنے کریئر کے حوالے سے بات کرتے ہوئے کہا کہ ان کے کریئر کا پہلا ڈراما ’سانوری‘ تھا جس کے بعد لوگوں نے مجھے پہچاننا شروع کیا، لوگ جب میرے ڈرامے کی وجہ سے مجھے پہچانتے تھے تو مزہ آتا تھا۔
انہوں نے بتایا کہ ڈراما انڈسٹری میں قدم رکھنے کے بعد میں فیملی کو وقت نہیں دے پاتی، جس کی وجہ سے میری فیملی کا ہر شخص مجھ سے ناراض رہتا ہے، لیکن میری فیملی میرے کام کی وجہ سے بہت خوش ہیں۔ میں خود حیران ہوتی ہوں کہ میں شوبز انڈسٹری میں کیسے آگئی، اس فیلڈ میں آنے کی میرے والد کبھی اجازت نہیں دیتے، ہاں البتہ مجھے گلوکارہ بننے کا شوق تھا، میں چاہتی تھی کہ لوگ مجھے پہنچانیں۔
سحر خان نے کہا کہ میری ایک دوست نے مجھے صنم جنگ سے میری ملاقات کروائی، صنم جنگ نے میری ایک ڈائریکٹر سے ملاقات کروائی اور پھر میرا آڈیشن ہوا اور میں سیلکٹ ہوگئی۔ آڈیشن میں سیلکٹ ہونے کے بعد دادا نے مجھے اجازت دے دی جس کے بعد میرے فیصلے پر فیملی کو کوئی اعتراض نہیں تھا۔
شادی کے بارے میں بات کرتے ہوئے سحر نے یہ بتایا کہ ’میرے والدین میری شادی کے بارے میں بات نہیں کرتے، میری الگ طرح کی سوچ ہے، میں فیری ٹیل کی کہانی سے متفق نہیں ہوں کہ کوئی شہزادہ آکر لڑکی کو بچائے گا، بلکہ میں اس بات پر یقین رکھتی ہوں کہ لڑکی کو خوداعتماد اور کامیاب ہونا چاہیے۔ زندگی میں کبھی محبت نہیں ہوئی، مجھے لگتا ہے میں سمجھدار ہوگئی ہوں، پیار بے وقوفوں کا کام ہے۔
View this post on Instagram
انہوں نے مزید کہا کہ میں رشتوں کے بارے میں بہت ڈرتی ہوں، مجھے دل ٹوٹنے سے بہت ڈر لگتا ہے، جب آپ کسی شخص کو اپنا وقت دیتے ہو اور آخر میں دھوکا مل جائے تو برداشت کرنا مشکل ہوتا ہے، لیکن دل ٹوٹنا ضروری بھی ہے۔چاہتی ہوں کہ جس شخص کو میں اپنا وقت دوں وہ اس کا مستحق ہو،میری توجہ ابھی صرف کام پر ہے، اس کے بعد میں شادی کے بارے میں سوچوں گی۔