حکومت نے ایمنسٹی اسکیم کی منظوری دیدی

May 13, 2022 | 19:49:PM
ایمنسٹی اسیکم
کیپشن: پاکستان پاسپورٹ فائل فوٹو
Stay tunned with 24 News HD Android App
Get it on Google Play

(24نیوز)وفاقی حکومت نے ایک سے زائد پاکستانی پاسپورٹ رکھنے والے پاکستانی شہریوں کے لیے ایمنیسٹی اسکیم کی منظوری دے دی۔ وزارت داخلہ کے اعداد و شمار کے مطابق حالیہ ایمنیسٹی سکیم سے تقریباً 38 ہزار ایک سے زائد شناخت رکھنے والے پاکستانی پاسپورٹس منسوخ کیے جاسکیں گے۔

تفصیلات کے مطابق وزارت داخلہ کی طرف سے وفاقی کابینہ کوایمنیسٹی اسکیم کے لیے بھیجی جانے والی سمری پر گذشتہ کابینہ اجلاس میں منظوری دی گئی،ترجمان وزارت داخلہ کا کہنا ہے کہ ایمنیسٹی اسکیم کا اطلاق ان پاکستانی شہریوں پرہوگا جو ایک سے زائد شناخت رکھتے ہیں اور انکے کے پاس ایک سے زائدپاکستانی پاسپورٹس ہیں۔ وفاقی حکومت کے فیصلے کے مطابق ایمنیسٹی اسکیم 31 دسمبر 2022 تک نافذالعمل رہے گی۔ ترجمان وزارت داخلہ نے کہا کہ پاسپورٹ ایکٹ 1974 کے سیکشن 6 کے تحت ایک سے زائد شناخت پر پاسپورٹ رکھنے والوں کو زیادہ سے زیادہ 3 سال سزا ہوسکتی ہے۔ وفاقی حکومت نے ا یمنیسٹی اسکیم کے ذریعے پاسپورٹ ایکٹ کے سیکشن 12 کے تحت ایک سے زائد پاکستانی پاسپورٹ رکھنے والوں کیلئے ایک دفعہ سزا سے معافی کا فیصلہ کیا ہے۔ ایمنیسٹی سکیم کو مفاد عامہ میں منظور کیا گیا ہے جس سے اندرون ملک اور بیرون ممالک مقیم پاکستانی یکساں استفادہ کرسکیں گے۔ ترجمان کا کہنا تھا کہ اس سے قبل 2006 سے 2016 تک وفاقی حکومت چھ ایمنیسٹی اسکیمز جاری کرچکی ہے جن سے تقریباً 12,000 ایک سے زائد شناخت والے پاکستانی پاسپورٹس منسوخ کئے گئے ہیں۔

یہ بھی پڑھیں:علیم خان کو جیل میں کس نے ڈالا؟ عمران خان کا بڑا انکشاف