پی ٹی آئی کی انتخابی ریلی کا زمان پارک سے داتا دربار کی طرف رواں دواں

(رومیل الیاس)پی ٹی آئی کی انتخابی ریلی کا زمان پارک سے آغاز ہوگیا ۔ریلی اپنی منزل کی جانب رواں دواں ہے،چیئرمین تحریک انصاف عمران خان ریلی کی قیادت کررہے ہیں،ریلی زمان پارک سے علامہ اقبال روڈ سے ہوتی ہوئی داتادربار پہنچے گی۔

ریلی میں خیبر پختونخوا ،پنجاب سے پی ٹی آئی ٹکٹ کے امیدوار شریک ہیں،وزیر ستان ،ڈی آئی خان،ایبٹ آباد،ہری پور سمیت دیگر اضلاع ،قصور،فیصل آباد،جھنگ،ملتان ودیگر اضلاع سے قافلے شریک ہیں ۔
پولیس کی جانب سے ریلی کے اطراف سکیورٹی کے سخت انتظامات کیے گئے ہیں،عمران خان کنٹینرکی بجائےبلٹ پروف گاڑی میں سوار ہیں،عمران خان کی گاڑی کی حفاظت پر گلگت بلتستان پولیس کےکمانڈوزتعینات کیے گئے ہیں،عمران خان بلٹ پروف گاڑی کی پچھلی نشست پر موجود ہیں ۔

عمران خان ریلی کی قیادت کیلئے نکل پڑے#ImranKhanRally pic.twitter.com/IA1CU5Y5xv

— PTI (@PTIofficial) March 13, 2023

دوسری جانب چیئرمین پی ٹی آئی کی گرفتاری کیلئے اسلام آباد پولیس لاہور پہنچ چکی ہے،اسلام آباد کی 2 عدالتوں نے مختلف مقدمات میں گرفتار کرکے پیش کرنے کا حکم دیا ہے۔