معروف بھارتی اداکارہ کا کم عمر گھریلو ملازمہ پر وحشیانہ تشدد، ملزمہ گرفتار

(ویب ڈیسک)بھارتی اداکارہ نے وقت پر کام ختم نہ کرنے پر کم عمر گھریلو ملازمہ کو تشدد کا نشانہ بنا دیا۔پولیس نے متاثرہ لڑکی کی بہن کی درخواست پر اداکارہ کو گرفتار کرلیا۔

پولیس کے مطابق ملازمہ نے بتایا ہے کہ اداکارہ نے سینڈل سے اسے پیٹا، جس سے اس کے سر اور چہرے پر شدید چوٹیں آئیں۔پولیس کی طرف سے اداکارہ کی شناخت مخفی رکھی جا رہی ہے۔بتایا گیا ہے کہ کم عمر لڑکی تشدد کے بعد اپنے زخموں کا علاج کرانے خود ہی ہسپتال گئی جہاں اس کی خیریت دریافت کرنے اس کی بڑی بہن آئی اور اس نے اپنی بہن کی حالت دیکھ کر پولیس کو اطلاع دی۔پولیس کے مطابق اداکارہ کے خلاف ایف آئی آر درج کر لی گئی ہے۔

یہ بھی پڑھیں: اومی کرون سے پہلی ہلاکت۔۔وزیراعظم کا بڑا اعلان