ٹیلی تھون کے دوران حکومت نے چینلز بند کر دئے ، عمران خان

(ویب ڈیسک) سابق وزیر اعظم عمران خان نے حکومت کو نشانہ بناتے ہوئے کہا کہ امپورٹڈ حکومت نے ان کے ٹیلی تھون کی نشریات کے دوران چینلز کو بند کر دیا تھا۔ 

تفصیلات کے مطابق پی ٹی آئی چئیرمین عمران خان نے ٹویٹ کی ہے کہ مجرموں پر مشتمل امپورٹڈ حکومت اور انکےسرپرستوں نےگزشتہ شب سیلاب متاثرین کیلئےعطیات جمع کرنےکےحوالےسےمنعقدہ میری ٹیلی تھون کی نشریات رکوا کر نئی سطح تک گراوٹ کامظاہرہ کیاہے۔ پہلےانہوں نے چینلز پر ٹیلی تھون نہ دکھانےکےحوالے سے دباؤ ڈالا، اسکےباوجود جب چند چینلز نےنشریات جاری رکھیں تو انہوں نےکیبل آپریٹرز کو دھمکایا۔اس سےثابت ہوتا ہےکہ قوم میں ہماری بڑھتی ہوئی مقبولیت سےیہ کس قدر خوفزدہ ہیں۔ انہیں یہ بھی عِلم ہےکہ لوٹ مار کی طویل تاریخ کےباعث پیسوں کےمعاملےمیں کوئی ان پر اعتماد کو تیارنہیں۔

مجرموں پر مشتمل امپورٹڈ حکومت+انکےسرپرستوں نےگزشتہ شب سیلاب متاثرین کیلئےعطیات جمع کرنےکےحوالےسےمنعقدہ میری ٹیلی تھون کی نشریات رکواکر نئی سطح تک گراوٹ کامظاہرہ کیاہے۔ پہلےانہوں نےچینلز پر ٹیلی تھون نہ دکھانےکےحوالے سےدباؤ ڈالا۔اسکےباوجود جب چند چینلز نےنشریات جاری رکھیں تو

— Imran Khan (@ImranKhanPTI) September 12, 2022

عمران خان کا مزید کہنا تھا کہ مجھےاور میری جماعت کو نشانہ بنانےکیلئےانہوں نےسیلاب متاثرین کیلئےعطیات جمع کرنےکی راہ میں روڑے اٹکانے کی کوشش کی اور یہ بےحسّی ناقابلِ تصوّر ہے ، اس سب کے باوجود ہم محض 2 گھنٹوں میں 5.2 ارب روپے جمع کرنےمیں کامیاب رہے۔میں دیارِغیرخصوصاًامریکہ میں مقیم پاکستانیوں سمیت عطیہ کرنے والے ہر ایک فرد کا مشکور ہوں۔

یہ بھی پڑھیے: پی ٹی آئی نے سابق امریکی سفارت کار کی عمران خان سے ملاقات کی تردید کردی