کیلیفورنیا: ہیلی کاپٹر گر کر تباہ، بچے سمیت 5 افراد زخمی

(24نیوز)امریکی ریاست کیلیفورنیا میں ہیلی کاپٹر گر کر تباہ ہو گیا جس کے نتیجے میں 1 بچے سمیت 5 افراد زخمی ہوگئے۔

ہینگٹن بیچ پولیس اور فائر ڈیپارٹمنٹ نے بتایا ہے کہ حادثہ بحرالکاہل کے ساتھ ہائی وے کی طرف پیش آیا۔

یہ بھی پڑھیں:رابطہ عالم اسلامی کے سابق سیکرٹری جنرل ڈاکٹر عبداللہ بن عمر انتقال کر گئے

پولیس کے مطابق ہیلی کاپٹر میں 2 افراد سوار تھے، جبکہ ہیلی کاپٹر جہاں گرا وہاں 3 راہ گیر زخمی ہوئے۔

NEW: Man nearly gets crushed by a helicopter that crashed in Huntington Beach, California.

"I was literally underneath the helicopter as it crashed. My life flashed before my eyes," the man posted.

The helicopter crashed next to the Pacific Coast Highway near the bridge… pic.twitter.com/6d58umdRJA

— Collin Rugg (@CollinRugg) October 11, 2025

حادثے میں زخمی ہونے والے پانچوں افراد کو ہسپتال منتقل کردیا گیا ہے۔

یہ بھی پڑھیں:طورخم بارڈر سے متعلق اہم خبر

عینی شاہدین کے مطابق  حادثہ دوپہر 2:09 بجے کے قریب پیش آیا۔ ایک شخص نے بتایا کہ وہ بالکل اُس مقام پر موجود تھا جہاں ہیلی کاپٹر گرا اور وہ بال بال بچا، اس کی ویڈیو میں دیکھا جا سکتا ہے کہ ہیلی کاپٹر اس کے چند قدم کے فاصلے پر گرتا ہے اور وہ فوراً وہاں سے بھاگ نکلتا ہے۔

فائر بریگیڈ کے حکام نے واقعے کو بڑے پیمانے پر زخمیوں والا حادثہ قرار دیا، ریسکیو ٹیمیں فوراً موقع پر پہنچیں اور ہیلی کاپٹر کو پل سے الگ کیا، متاثرہ سڑک کو کئی گھنٹے کے لیے بند کر دیا گیا، اور لوگوں سے کہا گیا کہ وہ علاقے سے دور رہیں۔

زخمیوں میں 2 افراد ہیلی کاپٹر میں سوار تھے جبکہ تین راہگیر زمین پر زخمی ہوئے جن میں ایک کم عمر بچہ بھی شامل ہے، زخمیوں کو قریبی اسپتالوں میں منتقل کر دیا گیا ہے تاہم ان کی حالت کے بارے میں تفصیلات جاری نہیں کی گئیں۔

سرکاری اور پولیس حکام نے ہیلی کاپٹر حادثے سے متعلق تحقیقات شروع کردی ہے کہ ہیلی کاپٹر کیوں اور کیسے گر کر تباہ ہوا۔