صدر اور وزیراعظم کی ملاقات,دہشتگردوں کیخلاف کارروائیاں مکمل خاتمے تک جاری رکھنے پر اتفاق

(اویس کیانی) صدر مملکت آصف علی زرداری سے وزیراعظم شہباز شریف  نے ایوان صدر میں ملاقات کی اور ملک کی مجموعی سیاسی اور سکیورٹی صورتحال پر تبادلہ خیال کیا۔

صدرِمملکت اور وزیراعظم نے دہشت گردی کے حالیہ  واقعات کی شدید مذمت کی،صدر اور  وزیراعظم نے اتفاق کیا کہ  غیر ملکی سرپرستی یافتہ دہشت گردوں کے خلاف کارروائیاں مکمل خاتمے تک  جاری رہیں گی۔

 صدر اور وزیراعظم نے اس پر بھی اتفاق کیا کہ  دہشت گردوں کے سہولت کاروں کے خلاف کارروائیاں بھی دہشت گردی کے مکمل خاتمے تک جاری رہیں گی۔

یہ بھی پڑھیں :  سعودی شہزادی وفا بنت بندر بن خالدبن عبدالعزیز آل سعود انتقال کرگئیں