قرآن پاک کی بے حرمتی پر افغانستان میں سویڈن کی تمام سرگرمیاں معطل کررہے ہیں، ذبیح اللہ مجاہد

Jul 11, 2023 | 14:42:PM
قرآن پاک کی بے حرمتی پر افغانستان میں سویڈن کی تمام سرگرمیاں معطل کررہے ہیں، ذبیح اللہ مجاہد
کیپشن: ذبیح اللہ مجاہد (فائل فوٹو)
سورس: گوگل
Stay tuned with 24 News HD Android App
Get it on Google Play

(24 نیوز) طالبان حکومت نے سویڈن میں توہین قرآن کے واقعے کیخلاف افغانستان میں سویڈن کی تمام سرگرمیاں معطل کردیں۔

طالبان ترجمان ذبیح اللہ مجاہدکی جانب سے اس حوالے سے اعلامیہ جاری کیا گیا ہے جس میں کہا گیا ہے کہ توہین قرآن اور مسلمانوں کے عقائد کی توہین کرنے پر سرکاری سطح پر معافی مانگنے تک سویڈن کی تمام سرگرمیاں افغانستان میں معطل رہیں گی۔

طالبان ترجمان کی جانب سے جاری اعلامیے میں کہا گیا ہے کہ افغانستان میں تمام سرکاری ادارے اس حکم پر عملدرآمد کے پابند ہیں۔

یہ بھی پڑھیے: افغانستان میں چینی کمپنی نے پہلے کنویں سے تیل نکالنے کا آغاز کردیا

اعلامیے میں طالبان کی جانب سے دیگر مسلم ممالک سے بھی مطالبہ کیا گیا ہے کہ وہ سویڈن کی اس مذموم حرکت کیخلاف اپنے تعلقات پر نئے سرے سے غور کریں۔

اس سے قبل سویڈن میں قرآن پاک کی بے حرمتی پر یمن کی حوثی اتھارٹی نے سویڈش درآمدات پر پابندی عائد کرنے کا اعلان کیا تھا۔

غیرملکی میڈیا کے مطابق یمن کے شمال کو کنٹرول کرنے والی حوثی اتھارٹی نے سویڈن میں قرآن کریم کی بے حرمتی پر احتجاجاً سویڈش درآمدات پر پابندی عائد کی۔