سلمان خان اس عید پر مداحوں کے سامنے کیوں نہیں آئے ، وجہ سامنے آ گئی

(ویب ڈیسک )بالی ووڈ اسٹار سلمان خان نے سیکیورٹی وجوہات کی وجہ سے مداحوں کو ٹوئٹر اکاؤنٹ پر ہی عیدالاضحیٰ کی مبارکباد پیش کی ہے۔

تفصیلات کے مطابق سماجی رابطے کی سائٹ ٹوئٹر پر اپنے پیغام میں سلمان خان نے کہا ہے کہ آپ سب کو صحت، سکون اور خوشیوں کے ساتھ عید مبارک ہو۔

خیال رہے کہ ہر عید پر سلمان خان اپنے مداحوں کو گلیکسی اپارٹمنٹ کی گیلری میں آکر عید کی مبارکباد دیتے ہیں۔

Wishing every one happy Eid lots of love peace happiness n health .

— Salman Khan (@BeingSalmanKhan) July 10, 2022

بھارتی میڈیا کے مطابق سلمان خان اس سال عید الاضحیٰ کے موقع پر سیکیورٹی وجوہات کے سبب مداحوں کے لیے گھر کی گیلری میں نہیں آ ئے۔میڈیا رپورٹس کے مطابق لارینس بشنوئی گینگ کی جانب سے جان لیوا دھمکیوں کے بعد سلمان خان عوامی مقامات میں جانے سے بھی اجتناب کر رہے ہیں۔

میڈیا کے مطابق اسپیشل فورس کے 10 افسران سلمان خان کی حفاظت کے لیے ان کے گھر گلیکسی اپارٹمنٹ کے باہر تعینات کیے گئے ہیں۔