بلوچستان تنہا نہیں ، سب شانہ بشانہ کھڑے ہیں:مریم نواز،ایف سی کیلئے 10 ارب روپے کی معاونت کا اعلان

(24نیوز)وزیر اعلیٰ پنجاب کا ایف سی کیلئے 10 ارب روپے کی معاونت کا اعلان ،مریم نواز نے کہا کہ بلوچستان تنہا نہیں ، سب شانہ بشانہ کھڑے ہیں،بحیثیت ایک قوم سیسہ پلائی دیوار کی طرح رہیں گے تو دشمن ہمارا کچھ نہیں بگاڑ سکتا۔

کوئٹہ میں وزیر اعلیٰ پنجاب مریم نواز نے ایف سی ہیڈ کوارٹرز بلوچستان کے دورہ کے موقع پر خطاب کرتے ہوئے کہا کہ بلوچستان میں امن و امان و استحکام پورے پاکستان کی ترجیح ہے ۔

وزیر اعلیٰ پنجاب نے کہا کہ ایف سی کےنوجوان دفاع وطن کیلئے قربانیاں دے رہے ہیں ،مشکلات کے باوجود فرنٹ لائن پر لڑنے والوں کو سلام پیش کرتی ہوں ۔

مریم نواز نے کہا کہ وقت آگیا کہ سیاہ کو سیاہ اور سفید کو سفید کہا جائے، کوئی گرے ایریا سیاسی قیادت اور عوام کے دماغ میں نہیں ہونا چاہیے،جو پاکستان کو کمزور کرتا ہے چاہے وہ اندر ہو یا باہر، پاکستان کا دوست نہیں۔

 وزیراعلیٰ پنجاب نے کہا کہ ہمیں ففتھ جنریشن وار کا سامنا ہے،ہمیں مضبوطی کے ساتھ ففتھ جنریشن وار کا مقابلہ کرنا ہے،بلوچستان کا امن و امان اور استحکام پورے پاکستان کی ترجیح ہے۔

یہ بھی پڑھیں:جوا پروموشن کیس:یوٹیوبرڈکی بھائی کی اہلیہ عروب جتوئی کی عبوری ضمانت میں توسیع

انہوں نے کہا کہ ہمیں دشمن کی تمام سازشوں کو ناکام بنانا ہے،اب ہمیں بطور قوم سخت فیصلہ کرنا پڑے گا،کچھ سیاسی رہنماؤں نے دہشت گردوں کیلئے دروازے کھولے، اپنے ملک اور ریاست کیخلاف ہتھیار اٹھانے والے دشمن ہیں۔

مریم نواز نے کہا کہ بات چیت کیلئے ہتھیار اٹھانے یا قوم کو تقسیم کرنے کی ضرورت نہیں،فیصلہ کرنا ہوگا کہ ہمیں انتہا پسندی کو شکست دینی ہے،دہشت گردوں کو اڑا کر رکھ دینا چاہیے، دہشت گرد کیخلاف کوئی ابہام نہیں ہونا چاہیے۔