سرکاری و نجی سکولوں کے اوقات کار تبدیل

(24 نیوز)گرمی کی شدت میں اضافہ کے باعث صوبہ بھر کے سرکاری ونجی سکولوں کے اوقات کار میں ڈیڑھ گھنٹہ کمی کردی گئی، اب سکول صبح 7 بجے لگیں گے جبکہ ساڑھے گیارہ بجے چھٹی دے دی جائے گی۔

تفصیلات کے مطابق صوبائی وزیر تعلیم پنجاب ڈاکٹر مراد راس نے پنجاب بھر میں سکولوں کے اوقات کار تبدیل کرنے کے حوالے سے ٹویٹ کردیا۔ڈاکٹر مراد راس نے ٹوئٹر پر جاری پیغام میں کہا کہ صوبے بھر کے سکول صبح 7 بجے سے لے کر 11:30 تک کھلیں گے۔
صوبائی وزیر تعلیم ڈاکٹر مراد راس کا کہنا ہے کہ سکولوں کے لئے جاری کردہ نئے اوقات کار تمام سرکاری و نجی تعلیمی اداروں پر لاگو ہوں گے۔
ان کا کہنا ہے کہ سکولوں کے اوقات کار میں تبدیلی کا فیصلہ گرمی کی صورتحال کو مدنظر رکھتے ہوئے کیا گیا ہے۔مراد راس نے مزید کہا ہے کہ حکومت پنجاب کی جانب سے جاری کردہ کورونا ایس او پیز پر ہر ممکن عملدرآمد یقینی بنائیں۔

یہ بھی پڑھیں:اساتذہ کے گرد گھیرا تنگ، حکومت نے بڑا اقدام اٹھا لیا

ANNOUNCEMENT:
All Public & Private Schools of Punjab to comply with the following New School Timing Schedule:
7am to 11:30am.
Please follow SOPs issued by the Government.

— Murad Raas (@DrMuradPTI) June 10, 2021