اسحاق ڈار کا کویتی وزیر خارجہ سے ٹیلیفونک رابطہ ،مکہ دفاعی معاہدے پر گفتگو

(انور عباس)نائب وزیراعظم و وزیر خارجہ سینیٹر محمد اسحاق ڈار کا کویتی وزیر خارجہ شیخ جراح جابر الاحمد الصباح سے ٹیلیفونک رابطہ ہوا جس میں مکہ دفاعی معاہدے پر تبادلہ خیال کیا گیا۔

ترجمان دفتر خارجہ کے مطابق وزیر خارجہ اسحاق ڈار اور کویتی وزیر شیخ جراح جابر نے خطے کی صورتحال، بشمول مقبوضہ مشرقی یروشلم پر تبادلہ خیال کیا۔

بتایا گیا ہے کہ اس ٹیلیفونک گفتگو کے دوران پاکستان کویت دوطرفہ تعلقات اور باہمی دلچسپی کے امور پر بھی بات چیت ہوئی جبکہ کویتی وزیر خارجہ کے حالیہ دورہ پاکستان کے فالو اَپ اور اہم شعبوں میں تعاون و سرمایہ کاری بڑھانے پر تبادلہ خیال کیا گیا۔

Deputy Prime Minister/Foreign Minister Senator Mohammad Ishaq Dar @MIshaqDar50 spoke late last night with Kuwaiti Foreign Minister Sheikh Jarrah Jaber Al-Ahmad Al-Sabah.

FM Jarrah felicitated the DPM/FM on the recent signing of the Makkah Joint Defence Agreement between… pic.twitter.com/CNCidV43nJ

— Ministry of Foreign Affairs - Pakistan (@ForeignOfficePk) August 10, 2026

دفتر خارجہ کے مطابق نائب وزیراعظم اسحاق ڈار اور کویتی وزیر خارجہ شیخ جراح جابر نے قریبی رابطہ برقرار رکھنے پر اتفاق کیا۔

یہ بھی پڑھیں:پنجاب پولیس میں اکھاڑ پچھاڑ،14 ڈی ایس پیز تبدیل