جھوٹ بہتان اور لوگوں کی عزتیں اچھالنا ہمیشہ نہیں چل سکتا، مریم نواز

(24نیوز) پاکستان مسلم لیگ ن کی نائب صدر مریم نواز نے اپنے حالیہ ٹوئٹ میں نجی ٹی وی چینل کو تنقید کا نشانہ بنایا ہے۔ انہوں نے نجی ٹی وی چینل کا نام لیکر لکھا ہے کہ نجی ٹی وی چینل کو جن حالات کا سامنا ہے وہ ان کے اپنے اعمال کی وجہ سے ہے۔ اس لیے جھوٹ، بہتان اور لوگوں کی عزتیں اچھالنا ہمیشہ نہیں چل سکتا۔

آج جن حالات کا ARY کو سامنا ہے وہ انکے اپنے اعمال کی وجہ سے ہے۔جھوٹ،بہتان اورلوگوں کی عزتیں اچھالنا ہمیشہ نہیں چل سکتا۔صحافت کی آڑ میں مال بنانا اور خبروں کے نام پر ملک میں انتشار،فتنہ پھیلانا غنڈہ گردی تو ہو سکتی ہے صحافت نہیں۔اسی لیے آج کوئی جیّد صحافی انکا ساتھ دینے سے قاصر ہے

— Maryam Nawaz Sharif (@MaryamNSharif) August 10, 2022

انہوں نے مزید لکھا ہے کہ صحافت کی آڑ میں مال بنانا اور خبروں کے نام پر ملک میں انتشار، فتنہ پھیلانا اور غنڈہ گردی تو ہو سکتی ہے صحافت نہیں۔ اسی لیے آج کوئی جید صحافی ان کا ساتھ دینے سے قاصر ہے۔