پیپلز پارٹی سب جماعتوں کو ساتھ لے کر چلنے پر یقین رکھتی ہے;وزیراعلیٰ بلوچستان

( 24 نیوز ) وزیراعلیٰ بلوچستان سرفراز بگٹی کا کہنا ہے کہ پیپلز پارٹی سب جماعتوں کو ساتھ لے کر چلنے پر یقین رکھتی ہے۔

کوئٹہ میں میڈیا سے گفتگو کرتے ہوئے وزیر اعلیٰ بلوچستان  سرفراز بگٹی نے کہا کہ بلوچستان اسمبلی میں آصف زرداری نے 47 ووٹ حاصل کئے ہیں، پیپلز پارٹی سب جماعتوں کو اکٹھا لے کر چلنے پر یقین رکھتی ہے، آصف علی زرداری جلد بلوچستان کادورہ کریں گے۔

یہ بھی پڑھیں؛ مریم نواز پر آڈیو لیک کا الزام، شاندانہ گلزار ایف آئی اے میں طلب 

وزیراعلیٰ بلوچستان نے مزید کہا کہ بلوچستان کے مسائل صدر آصف علی زرداری کے سامنے رکھیں گے، آصف علی زرداری کو بلوچستان سے تاریخی کامیابی ملی ہے۔