عوامی مارچ اسلام آباد میں انٹری کیلئے تیار،جلسے کیلئے این او سی جاری

 (ویب ڈیسک)پیپلز پارٹی کو اسلام آباد کے ڈی چوک پر جلسے کی اجازت مل گئی ۔

تفصیلات کے مطابق  پی پی کا  عوامی مارچ اسلام آباد میں اینٹری دینے کے لیے تیار  ہے،پیپلزپارٹی کے چیئرمین بلاول بھٹو نے آج روات سے روانہ ہوکر ڈی چوک پہنچنے کا اعلان کیا ہے اور ڈی چوک پر  ہونے والے جلسے میں پی ڈی ایم کی قیادت بھی شریک ہوگی۔

پیپلز پارٹی کو اسلام آباد کے ڈی چوک پر جلسے کی اجازت مل گئی ہے اور ضلعی انتظامیہ نے جلسے کےلیے این او سی جاری کردیا ہے۔اجازت نامے میں کہا گیا ہے کہ جلسہ آج شام 4 بجے سے شروع ہوگا اور رات 8 بجے تک ختم کرنا ہوگا، نجی اور سرکاری املاک کو نقصان پہنچا تو اس کی ذمہ دار پیپلز پارٹی ہوگی۔

دوسری جانب اسلام آباد کی ضلعی انتظامیہ نے ڈی چوک پر کنٹینرز پہنچا دئیے ہیں، ڈی چوک سے پارلیمنٹ اور شاہراہ دستورکی جانب جانے والی سڑک بند کر دی گئی ہے۔

پیپلز پارٹی رہنما فیصل کریم کنڈی کا کہناہے کہ عوامی مارچ ، کشمیر اور خیبر پختونخوا سے آنے والے قافلوں کو روکنے کے لیے کنٹینر لگا کر راستے بند کیے جا رہے ہیں، وزیر اعظم عمران خان گھبراہٹ کا شکار تھے اور اب انہیں پسینے آنا شروع ہوگئے ہیں۔

 یہ بھی پڑھیں:    پی آئی اے کا طیارہ یوکرین میں پھنسے پاکستانیوں کو لینے روانہ