قطری وزیراعظم اور ایرانی وزیر خارجہ کا رابطہ، لبنان کی صورتحال پر تبادلہ خیال

( ویب ڈیسک )قطر کے وزیراعظم شیخ محمد بن عبدالرحمن آل ثانی نے ایرانی وزیر خارجہ عباس عراقچی سے ٹیلیفونک رابطہ کیا ہے۔

خبر ایجنسی کے مطابق دونوں رہنماؤں نے امریکا اور ایران کے درمیان ثالثی کی کوششوں کا جائزہ لیا۔

دوران گفتگو لبنان کی تازہ صورتحال اور خطے میں بڑھتی ہوئی کشیدگی پر بھی تبادلہ خیال کیا گیا، قطری وزیر اعظم نے کشیدگی کو کم کرنے اور تنازعات کے پرامن حل پر زور دیا۔

 یہ بھی پڑھیں:بجٹ سے پہلے ہلچل،اسلام آباد میں بڑا احتجاجی اعلان!

دونوں رہنماوں نے جامع معاہدے کے ذریعے دیرپا امن کے حصول کی کوششوں پر اتفاق کیا۔

اس موقع پر قطری وزیر اعظم شیخ محمد بن عبدالرحمن آل ثانی کا کہنا تھا کہ قطر خطے میں استحکام کے لئے تمام سفارتی کوششوں کی حمایت جاری رکھے گا۔