کھانے کے فوری بعد دوبارہ کھانا صحت کیلئے نقصان دہ، موٹاپے کے شکار افراد کو انتہائی احتیاط کا مشورہ

(24نیوز)سٹی نیوز نیٹ ورک کے ڈیجیٹل میڈیا کے خصوصی پروگرام میں سینئر صحافی مناظر علی نے حکیم مزمل حسین عارف سے لوگوں میں بڑھتے ہوئے موٹاپے اور وزن کم کرنے کے حوالے سے اہم سوالات کیے۔

حکیم مزمل حسین عارف نے کہا کہ موٹاپے کا شکار افراد کو اپنے معدے پر ترس کھانا چاہیے اور ضرورت سے زیادہ خوراک استعمال کرنے سے گریز کرنا چاہیے۔

انہوں نے کہا کہ کھانے کے فوراً بعد دوبارہ کھانا شروع کر دینے کی عادت بھی ترک کرنی چاہیے۔

انہوں نے موٹاپے کا شکار افراد کو مشورہ دیا کہ وہ اپنی غذا اور طرز زندگی کو بہتر بنائیں اور ضرورت کے مطابق خوراک استعمال کریں۔

یہ بھی پڑھیں:ایل این جی صارفین پر مہنگائی کا وار، گیس بل ہزاروں روپے بڑھ گئے