لتا منگیشکر کی آخری رسومات میں شرکت ۔۔۔شاہ رخ خان پرسنگین الزام لگ گیا

(ویب ڈیسک) معروف گلوکارہ لتا منگیشکر کی آخری رسومات میں شرکت کے موقع پر بالی وڈ کے بادشاہ شاہ رخ خان نے لتا منگیشکر کی میت پر کچھ پڑھ کر پھونکاتو انڈیا میں دائیں بازو کی جماعتوں کے حامی لوگوں نے شاہ رخ خان پر لتا منگیشکر کی میت پر تھوکنے کا الزام لگا دیا ۔
یہ بھی پڑھیں:لتامنگیشکر کی موت پر بالی ووڈ انڈسٹری سوگ میں ڈوب گئی
تفصیلات کے مطابق سوشل میڈ یا پرلتا منگیشکر کی آخری رسومات میں شریک شاہ رخ خان کی ویڈیو وائرل ہورہی ہے جس میںدیکھا جاسکتا ہے کہ شاہ رخ خان لتا منگیشکر کی میت پر کھڑے کچھ پر پھونک رہے ہیں جس پربھارت کی دائیں بازو کی جماعت نے ہنگامہ مچا دیا کہ شاہ رخ خان نے لتا منگیشکر کی میت پر تھوک پھینکی ہے۔

What kind of culture is this? He's seen spitting right in front of the mortal remains of Shri. #LataMangeshkar didi. pic.twitter.com/aOGvEOvdK3

— Chiru Bhat | ಚಿರು ಭಟ್ (@mechirubhat) February 6, 2022

بھارتیہ جنتا پارٹی کے ارن یادیو نے شاہ رخ خان کی ویڈیو شیئر کرتے ہوئے سوال کیا کہ ’کیا انہوں نے تھوکا ہے؟۔ان کے علاوہ بھی بھارتی جنتا پارٹی کے لوگوں نے شاہ رخ کو آڑے ہاتھوں لیا

क्या इसने थूका है ❓ pic.twitter.com/RZOa2NVM5I

— Arun Yadav (@beingarun28) February 6, 2022

تاہم کچھ سوشل میڈیا صارفین شاہ رخ خان کی حمایت میں آئے اور انہوں نے سمجھانے کی کوشش کی دراصل شاہ رخ خان لتا منگیشکر کی میت پر کچھ پڑھ کر پھونک رہے تھے جسے غلط رنگ دیا جارہا تھا ۔انڈین ٹی وی اینکر گارگی راوت نے ایک ٹویٹ میں لکھا کہ ’دعا پڑھ کر پھونک مارنے جیسے اچھے عمل کو غلط رنگ دیا جارہا ہے۔‘

واضح رہے کہ لتا منگیشکر طویل علالت کے بعد گزشتہ روز 92 سال کی عمر میں انتقال کرگئیں تھیں۔ 
لتا منگیشکر کے انتقال پر انڈین حکومت کی جانب سے دو روزہ قومی سوگ منانے کا اعلان کیا گیا ہے جبکہ پرچم بھی سرنگوں رہے گا۔لتا کی آخری رسومات میںبالی ووڈ کی معروف شخصیات نے شرکت کی بھارتی وزیراعظم نریندر مودی بھی آخری رسومات میںشریک ہوئے ۔
یہ بھی پڑھیں:لباس کی وجہ سے حرامانی پر صارفین کی سخت تنقید