تھائی لینڈ میں فٹبال میچ کے دوران آسمانی بجلی گر گئی، کھلاڑی جاں بحق، 12 زخمی

(ویب ڈیسک)تھائی لینڈ میں فٹبال میچ کے دوران آسمانی بجلی گرنے سے 24 سالہ فٹبالر سوفوان آوائے جان کی بازی ہار گئے جبکہ 12 دیگر کھلاڑی زخمی ہو گئے۔

یہ افسوسناک واقعہ جنوبی تھائی لینڈ کے شہر سنگائی کولوک کے سانتی پھاپ اسٹیڈیم میں گولوک ایف اے کپ کے ایک مقامی میچ کے دوران پیش آیا۔

پولیس کے مطابق بجلی میدان میں گری جس سے سوفوان آوائے شدید زخمی ہو گئے۔

???????? Horrifying moment from Thailand when a freak lightning strike kills a football player and injures 12 others during a match pic.twitter.com/lAwYJxhtUo

— Visegrád 24 (@visegrad24) August 5, 2026

 ساتھی کھلاڑی فوری طور پر ان کی مدد کے لیے پہنچے اور ابتدائی طبی امداد بھی دی گئی اور فوری اسپتال منتقل کیا گیا تاہم اسپتال میں ڈاکٹروں کی تمام کوششیں ناکام رہیں۔

زخمی ہونے والوں میں ایک ملائیشین کھلاڑی بھی شامل ہے۔

یہ بھی پڑھیں:ایم ڈی کیٹ کا امتحان مؤخر ،  ٹیسٹ کی نئی تاریخ سامنے آگئی

سوفوان آوائے سیمکولٹس ٹیم کی نمائندگی کر رہے تھے اور حال ہی میں تھائی لینڈ کے تھرڈ ڈویژن کلب یالا ایف سی سے معاہدہ کیا تھا۔

کلب نے ان کے انتقال پر گہرے دکھ کا اظہار کرتے ہوئے اہل خانہ سے تعزیت کی ہے۔

واضح رہے کہ تھائی لینڈ میں آسمانی بجلی گرنے کے واقعات نسبتاً عام ہیں اور گزشتہ چند برسوں کے دوران اس طرح کے متعدد جان لیوا حادثات رپورٹ ہو چکے ہیں۔